काठमाडौं । दुई लघुवित्त वित्तीय संस्थाले वित्तीय विवरण सार्वजनिक गरेका छन् । सपोर्ट लघुवित्त वित्तीय संस्था लिमिटेड र स्वाबलम्बन लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमाससम्मको वित्तीय विवरण सार्वजनिक गरेका हुन् ।
चालू आर्थिक वर्षको तेस्रो त्रैमाससम्म सपोर्ट लघुवित्त वित्तीय संस्था लिमिटेडले १ करोड २३ लाख रूपैयाँभन्दा बढी खुद नाफा गरेको छ । गत वर्षको यस अवधिसम्मको तुलनामा यस वर्ष कम्पनीको खुद नाफा ९४ दशमलव ९१ प्रतिशत बढी भएको हो । गत वर्ष यस अवधिसम्म कम्पनीले ६३ लाख रूपैयाँभन्दा बढी खुद नाफा गरेको थियो ।
यस वर्ष कम्पनीको खराब कर्जा संकलन बढेसँगै खुद नाफा बढेको हो । गत वर्ष ४० लाख रूपैयाँभन्दा बढी खराब कर्जा संकलन गरेको कम्पनीले यस वर्ष ६२ लाख रूपैयाँभन्दा बढी खराब कर्जा संकलन गरेको हो । सम्भावित जाखिम शिर्षकमा भने कम्पनीले यस वर्ष १० लाख रूपैयाँभन्दा बढी रकम छुट्याएको छ ।
सञ्चालन नाफा भने गत वर्षको तुलनामा करिब १२१ प्रतिशत बढी भएको हो । गत वर्ष ६० लाख रूपैयाँभन्दा बढी सञ्चालन नाफा गरेको कम्पनीले यस वर्ष १ करोड ३३ लाख रूपैयाँभन्दा बढी सञ्चालन नाफा गरेको हो ।
हाल कम्पनीको चुक्तापूँजी ९ करोड ५२ लाख ३८ हजार रूपैयाँ रहेको छ भने जगेडा कोष रकम ५ करोड ७९ लाख रूपैयाभन्दा बढी रहेको छ । कर्जा सापटी गत वर्षभन्दा ३० दशमलव ३४ प्रतिशत बढी १ अर्ब २७ करोड रूपैयाँभन्दा बढी रहेको कम्पनीको कर्जा प्रवाह भने २४ प्रतिशत बढी १ अर्ब ७३ करोड रूपैयाँभन्दा बढी भएको छ ।
निक्षेप संकलन भने करिब १८ प्रतिशत बढी ३ अर्ब ३९ करोड रूपैयाँभन्दा बढी रहेको छ । निष्क्रिय कर्जा गत वर्ष ३ दशमलव २५ प्रतिशत रहेकोमा यस वर्ष घटेर १ दशमलव ४७ प्रतिशत कायम भएको छ । प्रतिशेयर आम्दानी वार्षिक १७ रूपैयाा २८ पैसा रहेको छ प्रतिशेयर नेटवर्थ १६० रूपैयाँ ८० पैसा छ ।
त्यस्तै, चालू आर्थिक वर्षको तेस्रो त्रैमाससम्म स्वाबलम्बन लघुवित्त वित्तीय संस्था लिमिटेडले ११ करोड ८६ लाख रूपैयाँभन्दा खुद नाफा गरेको छ । गत वर्षको तुलनामा यस वर्ष कम्पनीको खुद नाफा १ दशमलव ३५ प्रतिशत घटेको हो । गत वर्ष यस अवधिसम्म कम्पनीले १२ करोड २ लाख रूपैयाँभन्दा बढी खुद नाफा गरेको थियो ।
यस वर्ष कम्पनीको इम्पेरमेन्ट चार्ज बढेकाले खुद नाफा घटेको हो । गत वर्ष ४४ करोड ७६ लाख रूपैयाँभन्दा बढी रहेको इम्पेरमेन्ट चार्ज यस वर्ष भने ३८ करोड ५७ लाख रूपैयाँभन्दा बढी रहेको छ । सञ्चालन नाफा गत वर्ष १७ करोड १९ लाख रूपैयाँभन्दा बढी रहेकोमा यस वर्ष १ दशमलव ६५ प्रतिशतले घटेर १६ करोड ९० लाख रूपैयाँभन्दा बढी कायम भएको छ ।
हाल कम्पनीको चुक्तापूँजी १ अर्ब ४५ करोड रूपैयाँ रहेको छ । यस वर्ष १२ दशमलव ३६ प्रतिशत बोनस शेयर वितरण गरी कम्पनीले पूँजी बढाएको हो । शेयर प्रिमियमा ८ लाख रूपैयाँभन्दा बढी रहेको कम्पनीको रिटर्न अर्निगमा ११ करोड ५७ लाख रूपैयाँभन्दा बढी छ । जगेडा कोष रकम भने १ अर्ब ६० करोड रूपैयाँ छ ।
तेस्रो त्रैमाससम्म कम्पनीले १३ अर्ब ७१ करोड रूपैयाँभन्दा बढी निक्षेप संकलन गरेको छ भने १९ अर्ब १८ करोड रूपैयाँभन्दा बढी कर्जा प्रवाह गरेको छ । यस वर्ष निक्षेप संकलन भने ७ प्रतिशत र कर्जा प्रवाह करिब ५ प्रतिशत बढी भएको हो । निष्क्रिय कर्जा गत वर्ष १२ दशमलव ९८ प्रतिशत रहेकोमा यस वर्ष १० दशमलव ८८ प्रतिशत कायम भएको छ । प्रतिशेयर आम्दानी १० रूपैयाँ ९१ पैसा रहेको छ भने प्रतिशेयर नेटवर्थ २१९ रूपैयाँ रहेको छ ।
