आर्थिकन्यूज
काठमाडौं । पूर्वअर्थमन्त्री डा युवराज खतिवडा प्रधानमन्त्री केपी शर्मा ओलीका आर्थिक सल्लाहकारमा नियुक्त भएका छन् । त्यस्तै, प्रमुख सल्लाहकारमा विष्णु रिमाल नियुक्त भएका छन् । मन्त्रिपरिषद्को बिहीबारको बैठकले उनीहरूलाई मन्त्रीसरहको सल्लाहकार नियुक्त गरेको हो ।
डा खतिवडा अर्थमन्त्री, योजना आयोगका उपाध्यक्ष र नेपाल राष्ट्र बैंकको गभर्नर भइसकेका व्यक्ति हुन । अर्थमन्त्रीबाट हटेपछि उनी अमेरिकाका लागि राजदूत नियुक्त भएका थिए । ओली २०७२ सालको पहिलो कार्यकालदेखि रिमाल ओलीको प्रमुख सल्लाहकार बन्दै आएका छन ।
