आर्थिकन्यूज
काठमाडौं । नेपाली बजारमा सुनको मूल्य आज बढेको छ । प्रतितोला एक लाख ४२ हजार ८ सय रुपैयाँ पुगेको सुनको मूल्य आज एक हजार ९ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख ४४ हजार ७ सय रुपैयाँ रहेको छ भने तेजावी सुनको मूल्य प्रतितोला एक लाख ४४ हजार रुपैयाँ रहेको छ ।
त्यस्तै, आज चाँदीको मूल्य प्रतितोला एक हजार ८६५ रुपैयाँ मूल्य कायम भएको महासंघले जनाएको छ ।
