दिल्लीको वायुको गुणस्तर थप नाजुक - Aarthiknews
aarthiknews.com आइतबार, २९ मंसिर २०७६   Sunday, 15 December, 2019
 
Bajaj_Bike

दिल्लीको वायुको गुणस्तर थप नाजुक

  • आर्थिकन्यूज
    आर्थिकन्यूज
  • शनिबार, ०९ कार्तिक २०७६
Sunrise bank
दिल्लीको वायुको गुणस्तर थप नाजुक
LBEF
NCH-IPS

नयाँ दिल्ली ।  भारतको केन्द्रीय राजधानी नयाँ दिल्लीको वायुको गुणस्तर थप खस्केको पाइएको छ । तिहारको पूर्वसन्ध्यामा सार्वजनिक भएको वायुको गुणस्तरको अवस्था खराब देखिएको अधिकारीहरुले जानकारी दिएका छन् । स्थानीय समय अनुसार विहान ८.३० मा नयाँ दिल्लीको वायुको गुणस्तरको सुचक (एक्युआई) ३२६ देखिएको थियो । 

त्यसैगरी धिरपुरको एक्युआई ३५१ भएकाले त्यहाँको अवस्था अझ नराम्रो रहेको विज्ञहरूले बताएका छन् । दिल्ली विश्वविद्यालय आसपासको एक्युआई ३५७ हुदाँ चाँदनीचोकको वायुको एक्युआई ३२५ देखिएको थियो ।

विज्ञहरूका अनुसार वायुमा एक्युआई शुन्यदेखि ५० सम्म देखिँदा वायुको अवस्था राम्रो मान्न सकिन्छ भने ५१ देखि १०० सम्म एक्युआई देखिँदा सन्तोषजनक मानिन्छ ।  

त्यसैगरी एक्युआईको मात्रा १०१ देखि २०० सम्म देखियो भने सतर्क हुनुपर्ने, २०१ देखि ३०० सम्म देखियो भने कमजोर अवस्था मानिने, ३०१ देखि ४०० सम्म देखियो भने अति कमजोर ९खराब० र ४०१ देखि ५०० सम्म देखियो भने संकटपूर्ण अवस्था मानिने विज्ञहरूको भनाई छ ।

पन्जाब र हरियणा लगायतका छिमेकी राज्यहरुमा नियमितरूपमा घाँस पराल बाल्ने गरेका कारण नयाँदिल्लीमा वायुको गुणस्तर खस्किएको उनीहरूले बताएका छन् । 

वायु प्रदुषण गराउने वस्तु बाल्न निषेध गरिए पनि कृषकहरूले भने बाल्न रोकेका छैनन् । अर्को विकल्प नभएकाले बाल्ने क्रम नरोकिएको कृषकहरुले बताउने गरेका छन् । उनीहरुले वायु प्रदुषण आफ्ना कारणले नभई उद्योगहरु र सवारी साधनहरुका कारण हुनेगरेको दावी गर्ने गरेका छन् । 

भारतको मुख्य भूभाग मानिने नयाँ दिल्लीमा दिन प्रतिदिन वायुको गुणस्तर खस्किदै गएको अधिकारीहरूले जनाएका छन् ।खस्किएको वायुको गुणस्तर र तापक्रमको बृद्धिको बढी असर बालबालिका र वृद्धवृद्धाहरूमा पर्ने गरेको विज्ञहरूले बताएका छन् । एएनआई

प्रतिक्रिया दिनुहोस