मासप्रिन्टरले काम गरेन, स्मार्ट लाइसेन्सको समस्या समाधान नहुने - Aarthiknews
aarthiknews.com बुधबार, २५ मंसिर २०७६   Wednesday, 11 December, 2019
 
Bajaj_Bike

मासप्रिन्टरले काम गरेन, स्मार्ट लाइसेन्सको समस्या समाधान नहुने

  • आर्थिकन्यूज
    आर्थिकन्यूज
  • शनिबार, ०९ कार्तिक २०७६
Sunrise bank
मासप्रिन्टरले काम गरेन, स्मार्ट लाइसेन्सको समस्या समाधान नहुने
LBEF
NCH-IPS

काठमाडौं । सवारीचालक अनुमतिपत्र (स्मार्ट लाइसेन्स) प्रिन्ट गर्ने मासप्रिन्टरले पनि काम गर्न सकेन । हाल प्रिन्टर नै बन्द भएको छ । मागअनुसारको सवारी लाइसेन्स वितरणका लागि मासप्रिन्टर ल्याए पनि सञ्चालन हुन सकेको छैन ।

यातायात व्यवस्था विभागले तीन महिनाअघि नै मासप्रिन्टर ल्याएको थियो तर हालसम्म सञ्चालन गर्न नसक्दा लाइसेन्स प्राप्त गर्न बाँकी सङ्ख्या छ लाख पुगेको छ।

विभागले ग्लोबल टेन्डर गरी एक घण्टामा ४५० प्रतिकार्ड प्रिन्ट गर्नसक्ने क्षमताको मासप्रिन्टर ल्याएको हो । दुई महिनाअघि सञ्चालनका लागि सेट गरिएको प्रिन्टर अहिलेसम्म चल्न सकेको छैन । ठेक्का पाएको मद्रास सेक्युरिटी प्रिन्टिङ प्रेसले प्राविधिक कारण देखाउँदै ढिलाइ गरिरहेको विभागले जनाएको छ । 

सफ्टवेयर अपलोड, एप्लिकेसन इन्स्टल २ परीक्षण भन्दै ढिलाइ भइरहेको छ । काममा ढिलाइ भइरहेपछि मासप्रिन्टरबाट समस्याको समाधान होला भन्नेमा स्वयं विभागका अधिकारीहरू नै ढुक्क हुन सकिरहेका छैनन् । प्रेसले प्राविधिक कारण देखाउँदै ढिलाइ गरिरहेपछि विभागका अधिकारीहरू पनि हैरानीमा परेका छन् ।

विभागका प्रवक्ता तीर्थराज खनालले भन्नुभयो, १५/२० दिनजति भयो सुरु गर्न लागेको काम हुन सकेको छैन । अहिले त दुई/तीन दिन भयो बन्द छ, यसले पनि समस्याको समाधान नगर्ला जस्तो छ, थप अर्को मासप्रिन्टरका लागि पैसा व्यवस्थापन गरेको छ। टेन्डर गरिसकेको छैन ।

लाइसेन्स प्रिन्ट गर्ने काम बाँकी हुन थालेको २०७२ सालमा स्मार्ट लाइसेन्स कार्ड लागू गरेपछि हो । यो समाचार आजको गोरखापत्र दैनिकमा प्रकाशित छ ।

प्रतिक्रिया दिनुहोस