जनता र ग्लोबल आइएमई बैंकबीच दोस्रो सम्झौता हुँदै, कर्मचारी व्यबस्थापन जटिल - Aarthiknews
aarthiknews.com बुधबार, २५ मंसिर २०७६   Wednesday, 11 December, 2019
 
Bajaj_Bike

जनता र ग्लोबल आइएमई बैंकबीच दोस्रो सम्झौता हुँदै, कर्मचारी व्यबस्थापन जटिल

  • आर्थिकन्यूज
    आर्थिकन्यूज
  • शुक्रबार, ०८ कार्तिक २०७६
Sunrise bank
जनता र ग्लोबल आइएमई बैंकबीच दोस्रो सम्झौता हुँदै, कर्मचारी व्यबस्थापन जटिल
LBEF
NCH-IPS

काठमाडौं । जतना बैंक र ग्लोबल आइएमई बैंकबीच मर्जका विषयमा पुन आज सम्झौता हुँदै छ । गत असार २० गते ग्लोबल आइएमई र जनता बैंक बीच मर्जरमा जाने लिखित सहमति भएको थियो ।  दुबै बैंकका अध्यक्षले मर्जरमा जाने विषयमा हस्ताक्षर गरेका थिए । ग्लोबल आइएमई बैंकका अध्यक्ष चन्द्रप्रसाद ढकाल र जनता बैंकका अध्यक्ष केशब बहादुर रायमाझीले सहमति पत्रमा हस्ताक्षर थिए । 
आज विहान जनता बैंकको सञ्चालक समितिले पुन कर्मचारी व्यबस्थापनका विषयमा प्रमुख कार्यकारी अधिकृत पर्शुराम कुँवर क्षेत्रीले असन्तुष्टी व्याख्त गरेपछि पुन सम्झौता गर्ने निर्णय भएको बैंक स्रोतले बताएको छ ।  

चार महिनामा मर्ज प्रक्रिया सम्पन्न गर्ने भनि सहमति भएपनि अहिले  जनता बैंकको व्यबस्थापनले कर्मचारी समायोजनको विषयलाई लिएर असन्तुष्ट देखिएको छ । आज विहान भएको बैंठकमा जनता बैंकको सञ्चालक समितिले बैंकका प्रमुख कार्यकारी अधिकृतलाई वाइपास गरेर बैंठक बसि फेरि ग्लोबल आइएमई बैंकसँग अर्को सम्झौता गर्ने निर्णय गरेको स्रोतले बताएको छ ।  
सम्पत्ति तथा दायित्व मूल्यांकनपछि शेयर आदान प्रदान अनुपात कायम गरिने भएपनि प्रारम्भिक मूल्यांकनमा जनतालाई एक शेयर बराबर ८५ रुपैयाँ हाराहारी दिने सहमति भएको छ ।

मर्जर कमिटीको संयोजकमा ग्लोबल आइएमइ बैंकका निर्देशक छन् भने सहसंयोजकमा जनता बैंकका निर्देशक छन् । तर, मर्जर कमिटिले हालसम्म पनि मर्जका लागि उपुक्त मोडल तयार पारिसकेको छैन ।

 मर्जमा जादाँ कर्मचारी व्यबस्थपन गर्न कठिन देखिएको छ । जनता बैंक स्रोतका अनुसार जनता बैंकको व्यबस्थापनले कर्मचारीको सेवा सुविधा जनता बैंकको नै कायम हुनुपर्ने अडान राख्दैआएको छ । तर ग्लोबल आइएमई बैंकले भने मर्जमा गइसकेपछि कर्मचारीहरुको सेवा सुविधाका बारेमा नयाँ नीति बनाउनु पर्र्ने अडान राखेका छन् ।  

संयुक्त कमिटीले मर्जरको बाँकी काम टुङग्याउने छ। कमिटीले दुबै बैंकको मूल्यङकन गरेर निर्णयमा पुग्ने जिम्मेवारी सयुक्त मर्जर कमिटीलाई दिएको थिया ।  जनता बैंकमा यसभन्दा  पहिला नै मर्जबाट आएका बैंक तथा वित्तीय संस्थाका कर्मचारीहरु असन्तुष्ट नै छन् । थप नयाँ बैंकसँग  मर्ज हुँदा आफ्नो जारी नै धरापमा पर्नेभन्दै जनता बैंकका धेरै कर्मचारीहरुले जागिर नै छोड्न थालेका छन् । 
 

प्रतिक्रिया दिनुहोस