पेन्टसमा अत्याधिक लेडले स्वास्थ्यमा प्रत्यक्ष असर पार्ने - Aarthiknews
aarthiknews.com शनिबार, २१ मंसिर २०७६   Saturday, 07 December, 2019
 
Bajaj_Bike

पेन्टसमा अत्याधिक लेडले स्वास्थ्यमा प्रत्यक्ष असर पार्ने

  • आर्थिकन्यूज
    आर्थिकन्यूज
  • शुक्रबार, ०८ कार्तिक २०७६
Sunrise bank
पेन्टसमा अत्याधिक लेडले स्वास्थ्यमा प्रत्यक्ष असर पार्ने
LBEF
NCH-IPS


काठमाडौं । आम जनस्वास्थ्य र विशेष गरी बालबालिकामा प्रत्यक्ष असर पार्ने पेन्ट लेड (सिसा) को विषाक्तताबाट जोगिने उपायका बारेमा विशेष ध्यान दिनुपर्नेमा जोड दिइएको छ । 

नेपाल सरकार स्वास्थ्य मन्त्रालय, राष्ट्रिय स्वास्थ्य शिक्षा, सूचना र सञ्चार केन्द्र एवं वन तथा वातावरण प्रवद्र्धन मन्त्रालयको सहकार्य र विश्व स्वास्थ्य सङ्गठनको को सहयोगमा पोखरा महानगरपालिकाले आज आयोजना गरेको लेडको मापदण्डको प्रभावकारी कार्यान्वयनसम्बन्धी कार्यशाला गोष्ठीका वक्ताले विशेषगरी लेडबाट बालबालिकालाई जोगाउनुपर्ने बताएका हुन् ।  

विश्व स्वास्थ्य सङ्गठनले लेड (सिसा) लाई विश्वव्यापीरुपमा असर पु¥याउने प्रमुख १० रसायनमध्ये एक प्रमुख घातक रसायनका रुपमा पहिचान गरेको जनस्वास्थ्य तथा वातावरण प्रवद्र्धन केन्द्रका कार्यकारी निर्देशक एवं वातावरण वैज्ञानिक रामचरित्र साहले जानकारी दिए । लेडले मानिसको र खासगरी बालबालिकाको शारीरिक र मानसिक तथा बौद्धिक विकासमा अवरोध पु¥याउने र लेडको सम्पर्कबाट दीर्घकालीन स्वास्थ्यसम्बन्धी समस्या हुने भएकाले त्यसतर्फ ध्यान जानुपर्ने बताए । 

वार्षिक यसबाट पाँच लाख ४० हजार मानिसको मृत्यु हुने गरेको र १।३९ करोड मानिस शारीरिकरुपमा अशक्तता हुने गरेको तथ्याङ्क रहेको उहाँले जानकारी दिनुभयो । उहाँले विसं २०७४ र २०७५ मा २७ पेन्ट्स उद्योगका ५६ वटा इनामेल पेन्टस्मा गरिएको मापदण्डको प्रभावकारितासम्बन्धी अध्ययनले मापदण्ड परिपालनको अवस्था ६० प्रतिशत मात्र पाइएको बताए । 

पोखरा महानगरपालिकाका निमित्त प्रमुख प्रशासकीय अधिकृत गङ्गालाल सुवेदीले पोखरा सुन्दर र पर्यटकीय नगर, तालतलैयाको शहर भएकाले लेडमुक्त रंगरोगनको आयात उत्पादन र बिक्रीवितरण गर्ने पहल गरिने बताए । 

कार्यक्रममा पोखरा औद्योगिक क्षेत्रका आरती पेन्ट उद्योगका निर्देशक सुरेन्द्र भुर्तेलले आफ्नो उत्पादन परिमार्जन गरी मापदण्डको परिपालना गर्ने प्रतिबद्धता व्यक्त गर्नुभयो । विश्व स्वास्थ्य सङ्गठनका प्रतिनिधि राजुराम पोटे श्रेष्ठले लेडयुक्त पेन्ट उन्मूलका निम्ति विश्व स्वास्थ्य सङ्गठनबाट नेपाली जनस्वास्थ्य र वातावरणमा पर्ने लेडको असरको निराकरण तथा न्यूनीकरण गर्ने नेपाल सरकार, प्रादेशिक सरकार र स्थानीय सरकारलाई सघाउने प्रतिबद्धता जनाए । 

उपभोक्ता संरक्षण मञ्चका महासचिव राजुराम अधिकारीले लेडको विषाक्तताबारे जनचेतना फैलाउन र सरकारले तोकिएको पेन्टमा बाध्यकारी मापदण्डको पूर्ण परिपालना एवं प्रभावकारी कार्यान्वयनका लागि बजार अनुगमन, जवाफदेही पूर्ण पेन्टको उत्पादन, आयात, बिक्री वितरण र प्रचार गर्नुपर्नेमा जोड दिए । 

कार्यशालामा अर्थमन्त्रालयका भन्सार विभागका वरिष्ठ रसायनशास्त्री मनोजनिधि वाग्ले, वन तथा वातावरण मन्त्रालयका वरिष्ठ वातावरण निरीक्षक भूपेन्द्र शर्माले लेडयुक्त पेन्टले मानव जीवनमा पार्ने असर र यसबाट जोगिने उपायका बारेमा प्रस्तुति राखेका थिए  । 

प्रतिक्रिया दिनुहोस