बैंकका अध्यक्ष पनि संगठित - Aarthiknews
aarthiknews.com शनिबार, १० फागुन २०७६   Saturday, 22 February, 2020
 

बैंकका अध्यक्ष पनि संगठित

  • आर्थिकन्यूज
    आर्थिकन्यूज
  • शुक्रबार, १७ असोज २०७६
Sunrise
बैंकका अध्यक्ष पनि संगठित
LBEF

काठमाडौं । बैंक तथा वित्तीय संस्थाका प्रमुख कार्यकारी संगठित भएको लामो समयपछि बैंकका अध्यक्षहरू पनि संगठित भएका छन्।

बैंकका सञ्चालक समिति अध्यक्षको संगठन ‘बैंक तथा वित्तीय संस्था परिसंघ नेपाल’ एक साताअघि नै जिल्ला प्रशासन कार्यालय काठमाडौंमा दर्ता भइसकेको छ। परिसंघ अध्यक्ष एवं एनएमबी बैंकका सञ्चालक समिति अध्यक्ष पवनकुमार गोल्यानले सरकार र राजनीतिक तहमा बैंकिङ क्षेत्रको नीतिगत लबिङ गर्न नयाँ संस्था आवश्यक भएको बताए। 

समस्टिगत अर्थतन्त्रसँग सम्बन्धित नीति तर्जुमा गर्न र त्यस अनुसार बैंक व्यवस्थापनलाई दिशानिर्देश गर्न परिसंघले काम गर्ने उनले बताए। परिसंघको उपाध्यक्षमा मेगा बैंकका अध्यक्ष भोजबहादुर शाह, महासचिवमा जनता बैंकका अध्यक्ष केशवबहादुर रायमाझी र कोषध्यक्षमा एनआईसी एसिया बैंकका अध्यक्ष तुलसीराम अग्रवाल छन्।

सदस्यमा नेपाल इन्भेस्टमेन्ट बैंकका अध्यक्ष पृथ्वीबहादुर पाँडे, हिमालयन बैंकका अध्यक्ष मनोजबहादुर श्रेष्ठ, प्रभु बैंकका अध्यक्ष देवीप्रकाश भट्टचन, सानिमा बैंकका अध्यक्ष विनयकुमार श्रेष्ठ, ग्लोबल आईएमई बैंकका अध्यक्ष चन्द्रप्रसाद ढकाललगायत छन्। यो समाचार आजको अन्नपूण पोस्ट्मा प्रकाशित छ ।

प्रतिक्रिया दिनुहोस