शुक्रबार, २२ मंसिर २०८० Friday, 08 December, 2023
शुक्रबार, २२ मंसिर २०८० Friday, 08 December, 2023
काठमाडौं । मिथिला लघुवित्त वित्तीय संस्था लिमिटेडको शेयर स्वामित्व परिमार्जन भएको छ । कम्पनीले संस्थापक र सर्वसाधारण समूहको शेयर स्वामित्व परिवर्तन गरेको हो ।
जसअनुसार कम्पनीको शेयर स्वामित्व संस्थापक समूहको ५१ प्रतिशत र सर्वसाधारण समूहको ४९ प्रतिशत कायम भएको छ । यसअघि कम्पनीका संस्थापक समूहको ६० प्रतिशत र सर्वसाधारण समूहको ४० प्रतिशत शेयर स्वामित्व रहेको थियो ।
हाल नेप्सेमा कम्पनीको कुल १९ लाख ६० हजार २७ दशमलव ५६ कित्ता शेयर सूचीकृत छ । जसमा परिवर्तित शेयर संरचनाअनुसार अब संस्थापक समूहको ९ लाख ९९ हजार ६१४ दशमलव ०६ कित्ता र सर्वसाधारण समूहको ९ लाख ६० हजार ४१३ दशमलव ५ कित्ता कायम भएको छ । परिवर्तित शेयर संरचनाअनुसार दुवै समूहको शेयर सूचीकृत गरिएको नेप्सेले जनाएको छ ।
_20231201153842.gif)
प्रतिक्रिया दिनुहोस