aarthiknews.com आइतबार, ०५ साउन २०७६   Sunday, 21 July, 2019
 

पूर्वमन्त्रीको फनपार्क र सहकारीको टुकुचा जग्गाको भाडा लगाउने सम्झौता खारेज

  • आर्थिकन्यूज
    आर्थिकन्यूज
  • सोमबार, १६ बैशाख २०७६
Sunrise bank
पूर्वमन्त्रीको फनपार्क र सहकारीको टुकुचा जग्गाको भाडा लगाउने सम्झौता खारेज
NIBL-Capital-inside
LBEF

काठमाडौं ।  समाज कल्याण परिषद्ले हरित कृषि सहकारी संस्था लिमिटेडसँग काठमाडौँको प्रदर्शनीमार्गमा रहेको फनपार्क र टुकुचा तरकारी बजारसँगको जग्गा भाडा सम्झौता रद्द गरेको छ । फनपार्क नेपाली काग्रेसका नेता तथा पूर्वमन्त्री टेकबहादुर गुरुङले महिनाको ५ लाख रुपैयाँ भाडा तिर्ने गरि सञ्चालन गर्दै आएका थिए । 

परिषद्ले सहकारीलाई पठाएको सम्झौतापत्रमा २०७४ असोज ३० गते सहकारीसँग २५ वर्षका लागि करार गर्ने भनिए तापनि करार प्रक्रियामा कुरा नमिलेपछि सम्झौता नै रद्द गरेको उल्लेख गरेको छ । 

परिषद्ले प्रदर्शनीमार्गमा रहेको आफ्नो साढे ८३ रोपनी जग्गाको भाडा करार सम्झौता रद्द गरिएको पत्र सहकारीलाई पठाएको हो । 

परिषद् अधिनमा रहेको सो जग्गा सहकारीलाई सस्तो मूल्यमा भाडा लगाएको विषयमा विवाद थियो । वर्तमान सरकारले सरकारी सम्पत्तिको दुरुपयोग गर्नेलाई कारवाही गर्ने कामलाई तीव्ररुपमा अघि बढाएको छ । सोही क्रममा परिषद्ले सो फनपार्क र टुकुचामा रहेको जग्गाको भाडा लगाउने सम्झौता खारेज गरेको हो ।

प्रतिक्रिया दिनुहोस