६५ हजार घुससहित सहायक वन अधिकृत र बिचौलिया पक्राउ - Aarthiknews
aarthiknews.com मंगलबार, ०५ कार्तिक २०७६   Tuesday, 22 October, 2019
 
Bajaj_Bike

६५ हजार घुससहित सहायक वन अधिकृत र बिचौलिया पक्राउ

  • आर्थिकन्यूज
    आर्थिकन्यूज
  • विहीबार, ०२ असोज २०७६
Sunrise bank
६५ हजार घुससहित सहायक वन अधिकृत र बिचौलिया पक्राउ
LBEF

परासी । अख्तियार दुरुपयोग अनुसन्धान आयोगको कार्यालय बुटवलले पश्चिम नवलपरासीबाट सहायक वन अधिकृत र एकजना बिचौलियालाई ६५ हजार रुपैयाँ घुस रकमसहित पक्राउ गरेको छ ।

बिहीबार पक्राउ पर्नेमा प्रतापपुर–सुस्ता सबडिभिजन वन कार्यालयका प्रमुख प्रशुराम चौधरी र बिचौलिया मनोजकुमार शर्मा छन् ।

पक्राउ परेका शर्मा वन कार्यालयलाई घर भाडामा दिएका घरधनी हुन् । सहायक वन अधिकृत चौधरीको घर बर्दिया हो ।

दुवैजनालाई सदरमुकाम परासीस्थित जिल्ला सरकारी वकिलको कार्यालय परिसरबाट पक्राउ गरिएको आयोगको कार्यालय बुटवलका सूचना अधिकारी सुरेश भुसालले बताए ।

वन क्षेत्रबाट अवैधरुपमा बालुवा चोरी गरेर ल्याएको आरोपमा डिभिजन वन कार्यालयले १० दिनअघि तीनओटा ट्याक्टर फेचुवा गाउँबाट नियन्त्रणमा थियो ।

तीमध्ये एक ट्याक्टरधनीको मुद्दा मिलाइदिने भन्दै सहायक वन अधिकृतले सेवाग्राहीसँग ६५ हजार घुस मागेको अख्तियारले जनाएको छ ।

सेवाग्राहीबाट सोझै घुस लिँदा पक्राउ पर्ने डरले सहायक वन अधिकृत चौधरीले घरधनी शर्मालाई रकम बुझ्न लगाएका थिए ।

बिचौलिया शर्माले सेवाग्राहीसँग रकम लिँदै गरेको अवस्थामा अख्तियारको टोलीले दुवैजनालाई सरकारी वकिलको कार्यालय परिसरबाट पक्राउ गरेको हो । दुवैजनालाई आवश्यक कारबाहीका लागि प्रक्रिया अघि बढाइएको अख्तियारले जनाएको छ ।

पछिल्लोपटक सेवाग्राहीसँग सोझै घुस लिँदा अख्तियारको फन्दामा पर्ने डरले कर्मचारीहरुले नयाँ शैली अपनाएर बिचौलिया प्रयोग गर्ने गरेको अख्तियारले जनाएको छ ।

प्रतिक्रिया दिनुहोस