मार्जिन कारोबार तत्काल सुरु गर्न नेप्सेलाई फेरि अर्को निर्देशन - Aarthiknews
aarthiknews.com आइतबार, २२ मंसिर २०७६   Sunday, 08 December, 2019
 
Bajaj_Bike

मार्जिन कारोबार तत्काल सुरु गर्न नेप्सेलाई फेरि अर्को निर्देशन

  • आर्थिकन्यूज
    आर्थिकन्यूज
  • विहीबार, ०२ असोज २०७६
Sunrise bank
मार्जिन कारोबार तत्काल सुरु गर्न नेप्सेलाई फेरि अर्को निर्देशन
LBEF
NCH-IPS

काठमाडौं । मार्जिन कारोबार सेवा तत्काल सुरु गर्न धितोपत्र बोर्डले नेप्सेलाई पुनः निर्देशन दिएको छ ।

ब्रोकर मार्फत मार्जिन कारोबार सुरु गर्न सबै पूर्वाधार तयार भइसके पनि हालसम्म मार्जिन कारोबार सुरु नभएको भन्दै धितोपत्र बोर्डले नेप्सेका नाममा फेरि अर्को निर्देशन जारी गरेको हो । यो निर्देशनपछि मार्जिन कारोबार अब तत्काल सुरु हुने सम्भावना बढेको छ । 

मार्जिन कारोबार सुविधा सञ्चालनका लागि राफसाफ सम्बन्धी बेग्लै हितग्राही खाता चाहिने भएकाले त्यसका लागि धितोपत्र केन्द्रीय निक्षेप सेवा विनियमावली २०६८ को पाँचौ संशोधन समेत भइसकेको छ । यसलाई धितोपत्र बोर्डले स्वीकृत समेत गरिसकेको छ ।

हालसम्म नेपाल राष्ट्र बैंकबाट २१ वटा ब्रोकरलाई मार्जिन कारोबारका लागि कर्जा उपलब्ध गराउन अनुमति समेत दिइसकेको छ । यसरी सबै पूर्वाधार तयार भइसक्दा पनि मार्जिन सेवा सुरु नभएको भन्दै बोर्डले नेप्सेलाई यो काम तत्काल अघि बढाउन निर्देशन दिएको हो । 

प्रतिक्रिया दिनुहोस