एजेन्सी । अन्तर्राष्ट्रिय बजारबाट कच्चा तेल खरिद गर्ने औसत दरको तुलनामा गत वर्ष जुनमा रुसबाट कच्चा तेल १६ डलरले सस्तो थियो। यो भिन्नता प्रति ब्यारेल रु १ हजार ३१० हो । गत वर्षको अप्रिलदेखि यस वर्षको मार्चसम्मको यो औसत भिन्नता ७ डलर अर्थात रु ५७३ प्रति ब्यारेलभन्दा बढी हो । गत महिना भारतले आफ्नो आवश्यकताको ३९ प्रतिशत कच्चा तेल रूसबाट आयात गरेको थियो। यति हुँदाहुँदै पनि करिब १० महिनादेखि पेट्रोल र डिजेलको मूल्य स्थिर रहेको छ । 

सरकारले लागतभन्दा कम मूल्यमा एलपी ग्यास बिक्री गरेर कम्पनीहरूले गरेको घाटा पूर्ति गर्न यस वर्ष मात्र २२ हजार करोड रुपैयाँ अनुदान दिएको छ । वास्तविक घाटा त्यो भन्दा दोब्बर रहेको कम्पनीहरुको दाबी छ । त्यसको पूर्ति उनीहरु आफैंले गर्नुपर्छ ।

फेब्रेअरी १ गते १४.२ केजीको घरेलु ग्यास सिलिन्डरको मूल्य ५० रुपैयाँले बढेको थियो । दिल्लीमा यसको मूल्य ११ सय ३ रुपैयाँ पुगेको छ । यसअघि जुलाई ६, २०२२ मा मूल्यहरू परिवर्तन गरिएको थियो। त्यसपछि पनि ५० रुपैयाँले भाउ बढेको थियो ।

यस्तै, १९ किलोको व्यावसायिक सिलिन्डरको मूल्य ३५० रुपैयाँ ५० रुपैयाँले बढेको छ ।  यो वर्ष व्यापारिक सिलिण्डरको मूल्यमा यो दोस्रो वृद्धि हो । जनवरी १ मा भने २५ रुपैयाँले भाउ बढेको थियो ।