काठमाडौं । प्रदेश १ मा कात्तिक २४ गते बिहिबार समर्वजनिक विदा हुने भएको छ । आन्तरिक मामिला तथा कानून मन्त्रालय प्रदेश १ ले एक सूचना जारी गर्दै भोली सार्वजनिक विदा दिने जानकारी दिएको हो । 

सूचनामा भनिएको छ, ‘प्रदेश सरकार, वन, वातावरण तथा भू-संरक्षण मन्त्रालय प्रदेश १ का मन्त्री शेखर चन्द्र थापाको निधनको शोकमा प्रदेश सरकारका सबै सरकारी कार्यालय, सार्वजनिक संघ संस्थाहरुमा कात्तिक २४ गते बिहिबार सार्वजनिक बिदा दिने तथा राष्ट्रिय झण्डा झुकाउने प्रदेश सरकारबाट निर्णय भएको हुँदा सम्बन्धीत सबैको जानकारीका लागि यो सूचना प्रकाशित गरिएको छ ।’