aarthiknews.com शुक्रबार, १४ असोज २०७९   Friday, 30 September, 2022
 
Everest Bank
British College
Blue Diamond

भदौमा आएन विदेशी लगानी, ३१ अर्ब ८५ करोडको स्वदेशी उद्योग दर्ता

  • आर्थिकन्यूज
    आर्थिकन्यूज
  • शुक्रबार, ३१ भदौ २०७९
Sanima Bank
भदौमा आएन विदेशी लगानी, ३१ अर्ब ८५ करोडको स्वदेशी उद्योग दर्ता
LBF

काठमाडौं । चालु आर्थिक वर्षको भदौ महिनामा उद्योगका लागि ३१ अर्ब रुपैयाँ भन्दा बढि लगानी प्रस्ताव आएको छ । उद्योग विभागका अनुसार यस अवधिमा विभिन्न क्षेत्रका ३९ वटा उद्योगका लागि ३१ अर्ब ८५ करोड २६ लाख ७९ हजार रुपैयाँ लगानी प्रस्ताव आएको हो ।  

विभागका अनुसार यस अवधिमा सबैभन्दा बढि लगानी जलविद्युत क्षेत्रमा आएको छ । भदौ महिनामा जलविद्युत क्षेत्र ९ वटा उद्योगका लागि १८ अर्ब ६९ करोड ३ लाख ७५ हजार रुपैयाँ लगानी प्रस्ताव आएको हो ।

भदौ महिनामा दर्ता भएका हाइड्रोपावरमध्ये गोर्खामा दर्ता भएको यारु हाइड्रोपावरका लागि सबैभन्दा बढि लगानी प्रस्ताव आएको छ । यस अवधिमा उक्त हाइड्रोपावरका लागि ५ अर्ब ८१ करोड ४ लाख ५० हजार रुपैयाँ लगानी प्रस्ताव आएको हो ।

त्यस्तै,सोलुखुम्बुमा दर्ता भएको नुम्बुर हाइड्रोपावरका लागि २ अर्ब १६ करोड २ लाख १८ हजार रुपैयाँ लगानी प्रस्ताव आएको विभागको तथ्यांकमा उल्लेख छ । 

त्यसैगरी, सेवामुलक क्षेत्रका चार उद्योगका लागि ५ अर्ब ८३ करोड ६६ लाख ८८ हजार रुपैयाँ लगानी प्रस्ताव आएको छ । सेवामुलक क्षेत्रमा दर्ता भएका उद्योगमध्ये शिवम् होल्डिङग्स् लिमिटेडका लागि ५ अर्ब ५० करोड रुपैयाँ लगानी प्रस्ताव आएको छ । 

विभाग अनुसार यस अवधिमा पर्यटन क्षेत्र १३ वटा उद्योगका लागि ३ अर्ब ४७ करोड ५० लाख रुपैयाँ लगानी प्रस्ताव आएको विभागको तथ्यांकमा उल्लेख छ  । 

त्यसैगरी यस अवधिमा निर्माण क्षेत्रका १२ वटा उद्योगका लागि ३ अर्ब ८० करोड ६ लाख १६ हजार रुपैयाँ लगानी प्रस्ताव आएको छ । भने सूचना प्रविधिको क्षेत्रमा ५० करोड रुपैयाँ लगानी प्रस्ताव आएको विभागको तथ्यांकमा उल्लेख छ । विभागको तथ्यांक अनुसार भदौ महिनामा वैदेशिक लगानी भने शुन्य रहेको छ । 
 

प्रतिक्रिया दिनुहोस