aarthiknews.com शुक्रबार, १४ असोज २०७९   Friday, 30 September, 2022
 
Everest Bank
British College
Blue Diamond

बस चढेर घर हिडेका कांग्रेस नेता बाटोबाटै हराए

  • आर्थिकन्यूज
    आर्थिकन्यूज
  • विहीबार, २६ साउन २०७९
Sanima Bank
बस चढेर घर हिडेका कांग्रेस नेता बाटोबाटै हराए
LBF

काठमाडौं । नेपाली कांग्रेस दोलखा प्रदेश ख का सभापति चित्रप्रसाद दाहाल साउन २२ गते बिहानदेखि बेपत्ता भएका छन् । भक्तपुरका प्रहरी प्रमुख एसपी प्रजित केसीले दिएको जानकारी अनुसार दाहाल चार दिनदेखि बेपत्ता भएको भन्दै उनको परिवारले खोजीको लागि प्रहरीमा निवेदन दिएको हो । 

भक्तपुरको बालकोटबाट दोलखाको चरिकोट जानका लागि भन्दै गाडी चढे पनि त्यसपछि सम्पर्कमा नरहेको परिवारको भनाई छ । बलकोटबाट बा २० ख ९८२२ नम्बरको सार्वजनिक बसमा चरिकोटका लागि चढेको परिवारले जानकारी दिएका छन् ।

तर उनी चरिकोट नगई कलंकी पुगेको जानकारी पाएको भक्तपुरका प्रहरी प्रवक्ता डीएसपी राजु पाण्डेले बताए । 

दाहालको फेसबुक सोमबार केही समय एक्टिभ देखिएको तर मोवाइल भने बन्द नै रहेको पनि खुलेको छ । ठिमी बृत्त र भक्तपुर परिसरबाट अनुसन्धान भइरहेको प्रहरीको भनाई रहेको छ । 

प्रतिक्रिया दिनुहोस