aarthiknews.com सोमबार, २३ साउन २०७९   Monday, 08 August, 2022
 
British College
Blue Diamond

अन्ततः घटेर बन्द भयो नेप्से, कारोबार रकममा भने उछाल

  • आर्थिकन्यूज
    आर्थिकन्यूज
  • सोमबार, २० असार २०७९
nepalmegaschool
अन्ततः घटेर बन्द भयो नेप्से, कारोबार रकममा भने उछाल
LBF

काठमाडौं । नेपाल स्टक एक्सचेञ्ज (नेप्से)मा साताको दोस्रो कारोबारको दिन आज सोमबार सामान्य अंकले घटेको छ । आजको कारोबारको सुरुवातदेखि नै उच्च अंकले बढिरहेको नेप्से अन्ततः सामान्य अंकले घटेर बन्द भएको छ । 

आज नेप्से ९.७५ अंकले घटेर दुई हजार ७६ दशमलब ६७ विन्दुमा पुगेर बन्द भएको हो । आइतबार नेप्से ५७.६१ अंकले बढेर दुई हजार ८६ दशमलब ३८ विन्दुमा पुगेर बन्द भएको थियो । 

त्यस्तै, आज शेयर बजार घटेपनि कारोबार रकममा भने उछाल आएको छ । आज नेप्सेमा ४ अर्ब ३४ करोड ९२ लाख रुपैयाँ बराबरको कारोबार भएको छ । आइतबार एक दुई ४८ करोड ४ लाख रुपैयाँ बराबरको कारोबार भएको थियो ।    

आज कारोबार भएका ७१ कम्पनीको शेयरमूल्य बढेको छ भने ११६ कम्पनीको शेयरमूल्य घटेको छ । यसमध्ये दुई कम्पनीको शेयरमूल्यमा उच्च वृद्धि भएको छ । सिवाईसी लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता १४०३.६० रुपैयाँ पुगेको छ भने ङादी ग्रुप पावरको शेयरमूल्य आज ९.९८ प्रतिशतले बढेर प्रतिकित्ता २८९.९० रुपैयाँ पुगेको छ । 

नेप्सेका अनुसार ग्लोबल आईएमइ बैंक डिभेञ्चरका लगानीकर्ताहरुले सर्वाधिक गुमाएका छन् । यसको शेयरमूल्य ९ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी शिवम् सिमेन्टको भएको छ । यसको आज १७ करोड ९८ लाख भन्दा बढीको कारोबार भएको छ ।                         
 

प्रतिक्रिया दिनुहोस