एनएमबि र ओमले बोलाए विशेष साधारणसभा - Aarthiknews
aarthiknews.com मंगलबार, ०५ कार्तिक २०७६   Tuesday, 22 October, 2019
 
Bajaj_Bike

एनएमबि र ओमले बोलाए विशेष साधारणसभा

  • आर्थिकन्यूज
    आर्थिकन्यूज
  • आइतबार, २६ साउन २०७६
Sunrise bank
एनएमबि र ओमले बोलाए विशेष साधारणसभा
LBEF

काठमाडौं । एनएमबि बैंक र ओम डेभलपमेन्ट बैंक मर्जरको अन्तिम तयारीका लागि विशेषसाधारणसभा गर्ने भएका छन् । एनएमबिले ओमलाई मर्ज गर्ने प्रस्ताव अनुमोदन गर्न मङ्गलबार (साउन २८ गते) विशेष साधारण सभा बोलाएको छ । ओमले पनि सोमबार (साउन २७ गते) विशेष साधारण सभा बोलाएको छ ।

सभामा गाभ्ने–गाभिने सम्बन्धमा सञ्चालक समितिले गरेका निर्णयहरु अनुमोदन गरिने बताइएको छ । एनएमबिले ओमलाई १००ः७६ अनुपातमा गाभ्न लागेको हो । मर्जरपछि एनएमबि बैंक नै नाम राखिने भएको छ ।

मर्जरका लागि नियामक निकाय केन्द्रिय बैंकले असार ८ गते सैद्धान्तिक सहमति दिइसकेको छ । केन्द्रिय बैंकको सहमति अनुरुप दुबै बैंकले सभा बोलाएका हुन् ।

सभामा एनएमबि र ओम मर्जपछि अधिकृत, जारी तथा चुक्ता पुँजी बृद्धि हुने भएकाले प्रबन्धपत्र संशोधन गर्ने जिम्मा सञ्चालक समितिलाई दिने एजेन्डा पनि छ । लेखा परीक्षकको नियुक्ति र पारिश्रमिक अनुमोदन गर्ने विषय पनि छ । एनएमबिले सेयर ब्रोकरको काम पनि गर्ने भएको छ । यसका लागि प्रबन्धपत्रमा आवश्यक बुँदा थप गर्ने प्रस्ताव पनि छ ।

एनएमबि र ओमले जेठ २ गते मर्जर सम्बन्धि सम्झौता पत्रमा हस्ताक्षर गरेका थिए । मर्जर सम्झौता पश्चात एनएमबिको सेयर कारोबार जेठ ३ गतेदेखि रोक्का भएको छ । जेठ २ गतेसम्म कारोबार भई साउन २० गतेसम्म सेयर रजिष्ट्रार एनएमबि क्यापिटलमा कायम रहेका सेयरधनीले मात्र सभामा भाग लिन पाउनेछन् ।

प्रतिक्रिया दिनुहोस