एजेन्सी । भारतको डिफेन्स रिसर्च एण्ड डेभलपमेन्ट अर्गनाइजेसन (DRDO) को आगो, विस्फोटक र वातावरण सुरक्षा (CFEES) प्रयोगशालाले ई(स्कुटरमा आगलागीका घटनाहरूको अनुसन्धान पूरा गरेको छ। सोमबार प्रयोगशालाले सडक यातायात मन्त्रालयमा प्रतिवेदन बुझाएको थियो । अनुसन्धानमा ईभीमा प्रयोग हुने ब्याट्रीमा गम्भीर त्रुटि देखिएको देखाएको छ । 

मन्त्रालयले गत हप्ता विद्युतीय दुईपाङ्ग्रे सवारी उत्पादक कम्पनी ओला इलेक्ट्रिक, ओकिनावा अटोटेक, प्योर ईभी, जितेन्द्र इलेक्ट्रिक भेहिकल र बूम मोटर्सका प्रतिनिधिहरूलाई बोलाएर दुईपाङ्ग्रे सवारी साधनमा भएको आगलागीबारे स्पष्टीकरण दिन आग्रह गरेको थियो।

मन्त्रालयले कम्पनीहरूको पक्षलाई राम्ररी सुनेर उनीहरूले दिएको स्पष्टीकरण स्वीकार गर्ने वा नमान्ने निर्णय गर्ने स्रोतले बताएको छ । इभी स्कुटरमा बारम्बार आगलागी हुने घटना र त्यसलाई सच्याउने उपायबारे छानबिन गर्न मन्त्रालयले मार्च २८ मा प्रतिवेदन मागेको थियो ।

विगत केही महिनायता देशभर विद्युतीय स्कुटरमा आगलागीका आधा दर्जनभन्दा बढी घटना सार्वजनिक भएका थिए । अप्रिलमा, इन्डियन इन्स्टिच्युट अफ टेक्नोलोजी, बैंगलोर पनि अनुसन्धानमा सहयोग गर्न (DRDO) को CFEESसँग सम्बन्धित थियो।