काठमाडौं । सवारी चालक अनुमति पत्र (लाइसेन्स)को लागि परीक्षा तालिका सार्वजनिक भएको छ । यातायात व्यवस्था कार्यालय, सवारी चालक अनुमति पत्र ठुलोभर्याङ काठमाडौंले लाइसेन्सको लागि ट्रायल परीक्षाको पर्खाइमा रहेकाहरुका लागि बुधबार एक सूचना प्रकासित गरेको हो ।   

आज बुधबार राजश्व बुझाएकाहरुको लिखित परीक्षा आगामी फागुन ३ गते लिखित परिक्षा हुने भनिएको छ । उक्त परिक्षा ठुलोभर्याङ कार्यालय परिसरमा बिहान १० बजेदेखि १ बजेसम्म सञ्चालन हुने जनाइएको छ । 

त्यस्तै, वर्ग थपको राजश्व बुझाएकाहरुको पनि ट्रायल परिक्षा सञ्चालनबारे सूचना सार्वजनिक गरिएको छ । वर्ग थपको मोटरसाइकल, स्कुटर र मोपेडको ट्रायल परीक्षा यहि माघ २८ गते हुनेछ भने अन्य कार जिप, डेलिभरी भ्यानको ट्रायल परीक्षा यहि माघ २७ गते हुने र मिनिबस र मिनि ट्रकको ट्रायल परीक्षा यहि माघ २८ गते हुनेछ भने बस, ट्रक, लरीको परिक्षा आगामी फागुन ४ गते हुने सूचनामा उल्लेख गरिएको छ । उक्त ट्रायल परिक्षा भेहिकल एकेडेमी एण्ड रिसर्च प्राली गर्जुधारा काठमाडौंमा हुने जनाइएको छ । 

त्यसैगरि, वर्ग थपकै लागि लरीको ट्रायल परीक्षा जे१÷जे२ मेसिनरीको ट्रायल परीक्षा फागुन २ गते हुने सूचनामा जनाइएको छ । यसको ट्रायल परिक्षा अनुश्री डि बी मोटर ड्राइभिङ गणेश चोक, नारायणथान बुढानिलकण्ठमा बिहान १० बजेदेखि हुनेछ ।