aarthiknews.com सोमबार, १० माघ २०७८   Monday, 24 January, 2022
 
British College

विश्वभरीबाट क्रिप्टोकरेन्सीको लगानी झिक्दै लगानीकर्ता

  • आर्थिकन्यूज
    आर्थिकन्यूज
  • बुधबार, २८ पुस २०७८
विश्वभरीबाट क्रिप्टोकरेन्सीको लगानी झिक्दै लगानीकर्ता
Global IME
LBF

एजेन्सी । विश्वभरका लगानीकर्ताहरूले हालैका दिनहरूमा क्रिप्टोकरेन्सीहरूबाट द्रुत रूपमा पैसा निकालिरहेका छन् । २०२२ को पहिलो हप्तामा मात्र लगानीकर्ताहरूले क्रिप्टोकरेन्सी–सम्बन्धित लगानी उत्पादनहरू र कोषहरूबाट रेकर्ड २०७ मिलियन डलर बराबरको लगानी फिर्ता लिएका छटन । प्रमुख क्रिप्टोकरेन्सीहरूको मूल्य लगातार घटिरहेको बेला लगानीकर्ताहरू आफ्नो लगानी बेचेर बाहिर निस्किरहेका छन् । 

एक रोयटर्स रिपोर्टले डिजिटल सम्पत्ति प्रबन्धक कोइन शेयरलाई उद्धृत गर्दै भन्यो कि यो डिसेम्बर पछि लगातार चौथो हप्ता पनि लगानीकर्ताहरूले क्रिप्टोकरेन्सीहरूबाट पैसा निकालेका छन् । यी लगानीकर्ताहरूले यी चार हप्ताहरूमा ४ ४६५ मिलियन डलर मूल्यको क्रिप्टोकरन्सीहरू बेचेका छन्। यो प्रवृत्तिका कारण बिटक्वाइनले सबैभन्दा बढी मारमा परेको छ । 

 एमक्यापद्वारा विटक्वाइन सबैभन्दा ठूलो क्रिप्टोकरेन्सी हो । चार हप्ता अघि अर्थात् डिसेम्बर १२ मा बिटक्वाइनको मूल्य ५० हजार डलरभन्दा माथि थियो । त्यसयता बिटक्वाइनको दर लगभग २० प्रतिशतले ह्वात्तै घटेको छ। अहिले यसको दर झन्डै ४२ हजार डलरमा झरेको छ ।

त्यस्तै, दोस्रो ठूलो क्रिप्टोकरेन्सी इथरियमबाट एक हप्तामा ३९ मिलियन डलर झिकिएको छ । लगानीकर्ताहरूले लगभग एक महिनामा आफ्नो वालेटबाट २०० मिलियन डलर मूल्यको इथरियम खाली गरेका छन्। यो अवधिमा बिटक्वाइनभन्दा बढी गिरावट आएको छ। एक महिनाअघि यो ४,२०० डलरको हाराहारीमा थियो । जुन अहिले १००० डलरभन्दा कममा आएको छ । यसरी एक महिनामा इथरियमको दर करिब २२ प्रतिशतले घटेको छ ।
 

प्रतिक्रिया दिनुहोस