आव २०७५/७६ मा पौने २७ अर्बको बोनस शेयर थपियो - Aarthiknews
aarthiknews.com विहीबार, २६ मंसिर २०७६   Thursday, 12 December, 2019
 
Bajaj_Bike

आव २०७५/७६ मा पौने २७ अर्बको बोनस शेयर थपियो

  • शान्ती श्रेष्ठ
    शान्ती श्रेष्ठ
  • बुधबार, ०१ साउन २०७६
Sunrise bank
आव २०७५/७६ मा पौने २७ अर्बको बोनस शेयर थपियो
LBEF
NCH-IPS

काठमाडौं । गत आर्थिक वर्षमा नेपाल स्टक एक्सचेन्ज (नेप्से) का उपसूचकहरुमा सामान्य वृद्धि भएको देखिएको छ । गत आवमा जलविद्युत् समूहमा भने गिरावट भएको देखिएको छ । एक वर्षको अन्तरालमा नेप्से ४ दशमलव ५४ प्रतिशतले वृद्धि भई आर्थिक वर्षको अन्त्यमा १२५९ दशमलव शून्य १ को बिन्दूमा पुगेको छ । गत आर्थिक वर्षको पहिलो दिन २०७५ साउन १ गते नेप्से १२०४ दशमलव ३१ को बिन्दूमा रहेको थियो ।  
नेप्सेमा गत आवभरीमा ९४ वटा कम्पनीको २६ अर्ब ७३ करोड ३७ लाख १० हजार रुपैयाँ बराबरको २७ करोड ३३ लाख ३२ हजार १५५ दशमलव ३८ कित्ता बोनस शेयर सूचीकत भएको छ । 

वाणिज्य बैंक उपसमूह
वाणिज्य बैंक उपसमूहमा २२ वटा कम्पनीको १८ अर्ब ६९ करोड १९ लाख ६५ हजार ३५६ रुपैयाँ बराबरको १८ करोड ६९ लाख १९ हजार ६५३ दशमलव ५६ कित्ता बोनस शेयर सूचीकृत भएको छ ।

विकास बैंक उपसमूह
विकास बैंक उपसमूहमा २२ वटा कम्पनीको २ अर्ब ६८ करोड ५५ लाख ५४ हजार ९२८ रुपैयाँ बराबर २ करोड ६८ लाख ५५ हजार ५४९ दशमलव २८ कित्ता बोनस शेयर सूचीकृत भएको छ ।

लघुवित्त उपसमूह
लघुवित्त उपसमूहमा २६ वटा कम्पनीको १ अर्ब २३ करोड ९१ लाख १५ हजार ४२४ रुपैयाँ बराबर १ करोड २३ लाख ९१ हजार १५४ दशमलव २४ कित्ता बोनस शेयर सूचीकृत भएको छ ।

जीवन बीमा उपसमूह 


जीवन बीमा उपसमूहमा पाँच वटा कम्पनीको ७३ करोड ५० लाख ५ हजार ९४ रुपैयाँ बराबर ७३ लाख ५० हजार ५० दशमलव ९४ कित्ता बोनस शेयर सूचिकृत भएको छ । त्यसमध्ये एसियन लाइफले ४ प्रतिशत, सूर्या लाइफले १२ प्रतिशत, लाइफ इन्स्यारेन्सले १२ प्रतिशत, नेसनल लाइफले १३ दशमलव ५० प्रतिशत र गुराँस लाइफले ८ प्रतिशत बोनस शेयर वितरण गरेका थिए ।

वित्त उपसमूह
वित्त उपसमूहमा नौ वटा कम्पनीको ६१ करोड ७६ लाख ३५ हजार ८८३ रुपैयाँ बरारबर ६१ लाख ७६ हजार ३५८ दशमलव ८३ कित्ता बोनस शेयर सूचीकृत भएको छ । जसमा जेबिल्स फाइनान्सले २ आर्थिक वर्षको बोनस शेयर एकैपटक वितरण गरेको थियो । सो कम्पनीले ३ दशमलव ५७ प्रतिशत र १ दशमलव २४ प्रतिशत बोनस शेयर वितरण गरेको थियो ।

जलविद्युत् उपसमूह
जलविद्युत उपमूहमा पाँच वटा कम्पनीको १ अर्ब २९ करोड ६९ लाख ७३ हजार ३३० रुपैयाँ बराबर १ करोड २९ लाख ६९ हजार ७३३ दशमलव ३० कित्ता बोनस शेयर नेप्सेमा सूचिकृत भएको छ । राधी विद्युत्, सानिमा माई र बुटवल पावरले १० प्रतिशत बोनस दिएको थियो भने रिद्धि हाइड्रोपावरले ६ प्रतिशत र चिलिमेले २० प्रतिशत बोनस शेयर वितरण गरेका थिए ।

होटल उपसमूह
होटल उपसमूहमा दुई कम्पनीको २० करोड ६७ लाख ४७ हजार ८८ रुपैयाँ बराबर ८० लाख ६२ हजार ५१७ दशमलव ५८ कित्ता बोनस शेयर सूचीकृत भएको छ । जसमा ओरियन्टल होटलले १५ प्रतिशत र सोल्टी होटलले १० प्रतिशत बोनस शेयर वितरण गरेको थियो ।

अन्य र व्यापार उपसमूह 
अन्य उपसमूहमा नागरिक लगानीले २२ दशमलव शून्य ६ प्रतिशत र जलविद्युत् लगानी तथा विकास कम्पनीले १० प्रतिशत र व्यापार उपसमूहमा साल्ट्र टेडिङ कर्पोरेसनले २५ प्रतिशत बोनस शेयर दिएको थियो । तीन वटा कम्पनीको १ अर्ब २२ करोड ९९ लाख ७१ हजार २६६ रुपैयाँ बराबर १ करोड २२ लाख ९९ हजार ७१३ दशमलव ६६ कित्ता बोनस शेयर सूचीकृत भएको छ ।                  
 

प्रतिक्रिया दिनुहोस