उत्पादित विद्युत बढी भएपछि सोमबार राति नेपालले दुई सय मेगावाट विद्युत भारत निर्यात गरेको छ । वर्षाका कारण सबै विद्युत आयोजनाहरु पूर्ण क्षमतामा सञ्चालन भएकाले राति बढी भएको विद्युत भारत पठाइएको उर्जा, जलस्रोत तथा सिंचाइमन्त्री वर्षमान पुनले जानकारी दिए ।
मन्त्रालयका अनुसार शनिबार र आइतबार राति पनि करिब १५० मेगावाटका दरले भारतमा विद्युत निर्यात गरिएको थियो ।
रक्सौल परवानीपुर र कटैया–कुशवाह अन्तरदेशीय प्रसारण लाइनमार्फत विद्युत भारत पठाइएको छ । ढल्केबर–मुजफ्फरपुर अन्तरदेशीय प्रसारण लाइनमार्फत भने नेपालले १५० मेगावाट विद्युत आयात गरिरहेको खबर आजको कान्तिपुर दैनिकमा प्रकाशित छ।