aarthiknews.com आइतबार, १२ मंसिर २०७८   Sunday, 28 November, 2021
 
Esewa_Remit
British College
Bajaj_Bike

बाढी पीडितलाई नगद सहयोग

  • आर्थिकन्यूज
    आर्थिकन्यूज
  • विहीबार, ०४ कार्तिक २०७८
Citizen life
nabil bank
बाढी पीडितलाई नगद सहयोग
Global IME
yamaha_MAW
LBF

झापा । जिल्लाका चार पालिकाका एक हजार ६६५ परिवारलाई विश्व खाद्य कार्यक्रम (डब्लुएफपी) मार्फत दुई करोड २५ लाख रुपैयाँ रकम आएको छ । सो रकम नेपाल रेडक्रस सोसाइटी झापा शाखाले बाढी प्रभावित क्षेत्रका बासिन्दालाई वितरण गर्न सुरुआत गरेको छ ।

डब्लुएफपीमार्फत आएको रकम गौरीगञ्ज गाउँपालिका– १, २ का ३६८, झापाको वडा नं १, २, ३, ६ का ६७२, कनकाई नगरपालिका–४ का १८६ र शिवसताक्षी नगरपालिकाको २,४,५, ६,८,९ र १० का ४३९ परिवारलाई नगद सहायता रकम वितरण गरिरहेको नेरेसो जिल्लाका सभापति लोकराज ढकालले जानकारी दिए ।

उनका अनुसार विगत वर्षमा कनकाइ नदीको तटीय क्षेत्रमा बसोबास गर्ने विपद्को उच्च जोखिममा रहेका परिवारको ‘सर्भे’ गरी तथ्याङ्क सङ्कलन गरिएको आधारमा हाल प्रति परिवार १३ हजार ५०० रुपैयाँका दरले रकम वितरण भइरहेको छ ।

सर्भेमा सम्भाव्य विपद्को उच्च जोखिममा रहेको परिवार वा विपद् सङ्कटबाट प्रभावित भई दैनिक जीविकोपार्जनमा कठिनाइ भएको, सरकारी वा सार्वजनिक संस्थाबाट तलब पेन्सन नलिएका, असहाय तथा आफ्नो हेरचाह आफैं गर्न नसक्ने अवस्थाका व्यक्ति वा परिवारको विवरण सङ्कलन गरिएको थियो । 

सोही आधारमा डब्लुएफपीले पठाइदिएको रकम विरणमा सहजीकरण मात्र नेरेसोले गरेको सभापति ढकालको भनाइ छ । सो रकम तत्काल आएको बाढीले क्षति पुर्याएको बासिन्दा वा धानखेतीको क्षतिपूर्ति भने नभएको उनले प्रस्ट पारेका छन । 

रेडक्रसले बमौसमी वर्षाका कारण हाल डुबानमा परेका र विस्थापित भएका परिवारलाई राहतस्वरुप भाँडाकुडा, त्रिपाल, कम्बल, लत्ताकपडासमेत वितरण गरिरहेको उनले बताए । रासस

प्रतिक्रिया दिनुहोस