aarthiknews.com विहीबार, २३ मंसिर २०७८   Thursday, 09 December, 2021
 
Esewa_Remit
British College

शिल्पा र राज कुन्द्राले हाले ५० करोडको मानहानिको मुद्दा, अब शर्लिन चोपडा संकटमा

  • आर्थिकन्यूज
    आर्थिकन्यूज
  • बुधबार, ०३ कार्तिक २०७८
nabil bank
शिल्पा र राज कुन्द्राले हाले ५० करोडको मानहानिको मुद्दा, अब शर्लिन चोपडा संकटमा
Global IME
yamaha_MAW
LBF

एजेन्सी। शिल्पा सेट्टी र उनका पति राज कुन्द्राको जोडीले शर्लिन चोपडाविरुद्ध मानहानिको मुद्दा दायर गरेका छन्। शिल्पा र राजले शर्लिनविरुद्ध ५० करोडको मानहानिको मुद्दा दायर गरेका हुन्। यो सँगै सो दम्पतीले शर्लिनले लगाएको आरोपलाई झुटो र झुटो भनेका छन्।

बलिउड अभिनेत्री शर्लिन चोपडाले भर्खरै राज कुन्द्रा र शिल्पा शेट्टी विरुद्ध यौन उत्पीडनको मुद्दा दायर गरेकी छिन्। उनीमाथि ठगी गरेको आरोप पनि लागेको थियो। अब यस विषयमा शिल्पा र राजको प्रतिक्रिया आएको छ। शिल्पा र राजले शर्लिनविरुद्ध ५० करोडको मानहानिको मुद्दा दायर गरेपछि यो घटनाले नयाँ मोड लिएको छ। यो सँगै दम्पतीले शर्लिनले लगाएको आरोपलाई झुटो भएको भन्दै खण्डन गरेको छ। 

केही दिन पहिले शर्लिन चोपडाले राज कुन्द्रा र शिल्पा शेट्टीलाई उनको शारीरिक र मानसिक रूपमा उत्पीडनको आरोप लगाएकी थिइन्। उनले मुम्बई पुलिसमा सो आरोप सहित उजुरी समेत दिइन्। त्यो प्रतिक्रिया स्वरूप शिल्पा र राजका वकिलले शर्लिनविरुद्ध ५० करोडको मानहानिको मुद्दा दायर गरेका हुन्। एक आधिकारिक बयान जारी गर्दै सो दम्पतीका वकिलले भने कि शर्लिन चोपडाले शिल्पा शेट्टी र राज कुन्द्रा विरुद्ध लगाएका सबै आरोपहरू झुट्टा र निराधार छन्। यसको कुनै प्रमाण छैन।

स्मरण रहोस्, धेरै पैसा कमाउने लोभमा कानुन विपरीत कर्म गर्दा मान सम्मान इज्जत प्रतिष्ठा सबै गुमाएका शिल्पा शेट्टिका पति राज कुन्द्रा अहिले धरौटीमा रिहा भइसकेका छन् । राज कुन्द्राले आफूलाई एडल्ट फिल्मको व्यापारमा धकेलेको गम्भीर आरोप लगाएकी शर्लिन चोपडा पछिल्लो दिनमा धेरै नै आक्रामक बनेकी छिन् । 

केही उनले अघि सन् २०१९ मार्च २९ का दिन आफ्नो पहिलो कन्टेन्ट सुट गर्दाको तस्बिर सार्वजनिक गरेर कुन्द्राले त्यस्तो व्यापारमा प्रवेश गराएको थप आरोप लगाएकी थिइन् । चोपडाले आम्स प्राइम मिडिया मार्फत आफ्नो द शर्लिन चोपडा एपको पहिलो भिडियो सुट गराएको बेला सन २०१९ मा आफू कस्तो अवस्थामा थिए भन्ने देखाएकी थिइन् । त्यस बेला राजको कम्पनीसँग सम्झौता गरेर काम गरेकी चोपडाले सम्झौता अवधि समाप्त हुनेवित्तिकै कुन्द्रा विरुद्ध उजुरी दर्ता गराएकी थिइन् जसले गर्दा कुन्द्रा केही महिना हिरासतमा बस्नु परेको थियो। 

शर्लिनले त्यस बेला आफू नयाँ आशा र जोसको माहौलमा रहेको उल्लेख गरेकी छिन् । अहिले आएर शर्लिनले त्यो सुट गर्नुभन्दा दुई दिन अघि मार्च २७ तारिकमा राज आफ्नो घरमा आएको र आफूमाथि जबरजस्ती गर्न खोजेको समेत बताएकी छिन् । शर्लिनले पछि आम्स प्राइमसँग सम्झौता नवीकरण गरिनन् । किनभने उनी राजसँग आफ्नो कमाइको आधा हिस्सा बाँड्न तयार रहिनन् । बरु, सो एपमा रहेका आफ्ना तस्बिर तथा भिडियोहरू हटाउन आग्रह गरिन् । सोही आग्रह नमान्दा अहिले शर्लिन र कुन्द्रा बिचको सम्बन्ध निकै बिग्रिएको छ।   

प्रतिक्रिया दिनुहोस