नमुना परिक्षणमा नै डेढलाख खर्च - Aarthiknews
aarthiknews.com मंगलबार, ०५ कार्तिक २०७६   Tuesday, 22 October, 2019
 
Bajaj_Bike

नमुना परिक्षणमा नै डेढलाख खर्च

  • आर्थिकन्यूज
    आर्थिकन्यूज
  • सोमबार, २३ असार २०७६
Sunrise bank
नमुना परिक्षणमा नै डेढलाख खर्च
LBEF

नेपाल आउने भारतीय उत्पादनको नमुना परीक्षण गर्न पैसै लाग्दैन। सामान्य बाटा खर्चले पुग्छ। त्यही काम गराउन नेपाली व्यवसायीले भने एउटा नमुनाको १ लाख ५० हजार रुपैयाँ तिर्दै आएको समाचार आजको अन्नपुर्ण पोष्ट दैनिकमा प्रकाशित छ ।

‘आफै गएर नमुना परीक्षण गरेर ल्याउन भेउ पाइँदैन। भारतीय भन्सार एजेन्टलाई पठाउनुपर्ने बाध्यता छ’, अलैँची व्यवसायी महासंघका सचिव मातृृका घिमिरेले भने, ‘उनीहरुले नमुना लिएर गएदेखि आएसम्मको खर्च १ लाख ५० हजार माग्छन्।’

पहिले व्यापारी यसका लागि आफैं कोलकाता जान्थे। झन्झटिलो भएपछि एजेन्ट प्रयोग गर्न थालेका हुन्। एकपटक परीक्षण गरेको रिपोर्टले ३ महिनासम्म काम गर्छ। वर्षको ४ पटकसम्म एउटै उत्पादनको नमुना परीक्षण गर्नुपर्छ। ‘वर्षको ७ लाखभन्दा माथि त नुमना परीक्षणमै सकिन्छ’, उनले भने। कोलकातामा धेरै नमुना पुग्ने गरेको भन्दै कम्तिमा १० दिनमा मात्रै एजेन्टले रिपोर्ट दिने गरेको नेपाली व्यापारीको भनाइ छ। 

प्रतिक्रिया दिनुहोस