इपीएस परिक्षामा १२ हजार उत्तीर्ण भए पनि कोरियाले ६ हजार ७ सयलाई मात्र लैजाने - Aarthiknews
aarthiknews.com शनिबार, ३० कार्तिक २०७६   Saturday, 16 November, 2019
 
Bajaj_Bike

इपीएस परिक्षामा १२ हजार उत्तीर्ण भए पनि कोरियाले ६ हजार ७ सयलाई मात्र लैजाने

  • आर्थिकन्यूज
    आर्थिकन्यूज
  • विहीबार, १९ असार २०७६
Sunrise bank
इपीएस परिक्षामा १२ हजार उत्तीर्ण भए पनि कोरियाले ६ हजार ७ सयलाई मात्र लैजाने
LBEF
NCH-IPS

काठमाडौं । परीक्षा दिएका १२ हजार ९ जना परीक्षार्थी पास भए  पनि सन् २०२० मा दक्षिण कोरियाले ६ हजार ७ जना नेपालीलाई मात्र वैदेशिक रोजगारीका लागि लैजाने भएको छ । 

यो वर्षका रोजगार अनुमति प्रणाली (ईपीएस) मार्फत दक्षिण कोरिया जानका लागि कोरियन भाषा परीक्षामा १२ हजार ९ जना परीक्षार्थी उत्तीर्ण भएका छन् । जसमध्ये कोरियाको मानव शसाधन केन्द्रले ६ हजार ७ सय श्रमिकको मात्र रोष्टर (दर्ता) गर्ने जानकारी गराएको वैदेशिक रोजगार इपीएस शाखाले जानएको छ ।

ईपीएसको लिखिप परीक्षामा पास भएकाहरुको सीप परीक्षा भदौ ४ देखि १८ गतेसम्म हुँदैछ । कोरियन भाषा उत्तीर्ण गरेका परीक्षार्थीले सीप परीक्षणमा सहभागी हुन असार २० देखि २९ गतेसम्म रजिस्ट्रेसन फाराम भरीसक्नुपर्ने शाखाले सूचना प्रकाशन गरेको छ ।

उक्त सीप परीक्षाका लागि कोरियाको एचआरडीले ६ हजार ७ सयको मात्र नाम रोष्टरमा चढाउन शाखालाई निर्देशन दिएको शाखाका सूचना अधिकृत शोभाकर भण्डारीले जानकारी दिए ।

सन् २०२० का लागि सञ्चालित ईपीएस परीक्षामा औद्योगिक क्षेत्रमा ९ हजार १ सय ३३ र कृषि तथा पशुपालन क्षेत्रमा २ हजार ८ सय ७६ जना परीक्षार्थी उत्तीर्ण भएका थिए ।

एचआरडीले औद्योगिक क्षेत्रका लागि ४ हजार ७ सय र कृषिमा २ हजार जनालाई सीप परीक्षण सहभागि गराउन शाखालाई जानकारी गराएको शाखाले जनाएको छ । शाखाले सोही अनुसार सूचना प्रकाशित गरेको छ ।

कोरियन भाषा परीक्षामा नाम निकालेका सबै रोजगारीका लागि कोरिया जान योग्य नहुने शाखाका सूचना अधिकारी भण्डारीले बताए । पछिल्लो समय कोरिया सरकारले भाषामा भन्दा सीप परीक्षणमा जोड दिएको उनको भनाइ छ ।

इपीएस शाखाका अनुसार सन् २०२० का लागि कृषि क्षेत्रमा जान चाहने परीक्षार्थीले ९० अंकको भाषा परीक्षा दिएका थिए । परीक्षामा पास हुनेले १ सय १० अंकको सीप परीक्षणको परीक्षामा सहभागी भई अनिवार्य पास हुनुपर्ने छ ।

सीप परीक्षणमा पास भएका परीक्षार्थीले मात्र रोजगारका लागि कोरिया जाने निश्चित हुने शाखाले जनाएको छ । यस्तै, उत्पादनमूलक क्षेत्रमा जानका लागि परीक्षार्थीले १ सय अंकको भाषा परीक्षा दिएका छन् ।

सन् २०२० का लागि ८४ हजार भन्दा धेरै नेपालीले कोरियन भाषा परीक्षामा सामेल भएका थिए । जसमध्ये १२ हजार ९ जनाले कोरियन भाषा परीक्षा उत्र्तीण गरेका थिए ।

नेपालबाट कोरियाले सन् २००८ बाट नेपाली कामदार इपीएसमार्फत लैजादै आएको छ । हाल कोरियामा ४४ हजारभन्दा धेरै नेपाली कामदार रोजगारीमा कार्यरत रहेको सरकारी तंथ्याकमा छ । भाषा परीक्षामार्फत करिब ६० नेपाली रोजगारीका लागि कोरिया पुगेका छन् ।

भाषा परिक्षा उतिर्णहरूकाे सूची हेर्न यहाँ क्लिक गर्नुहाेस्

प्रतिक्रिया दिनुहोस