आजको अन्नपूर्ण पोस्ट् दैनिकबाट
काठमाडौं । प्रमुख प्रतिपक्षी नेपाली कांग्रेसले गण्डकीमा एमाले नेता पृथ्वीसुब्बा गुरुङको नेतृत्वको प्रदेश सरकार विरुद्ध अविश्वासको प्रस्ताव ल्याउने भएको छ । प्रतीपक्षी नेता कृष्णचन्द्र नेपाली पोखरेल पार्टी सभापति शेरबहादुर देउवालाई बुधबार काठमाडौंमा भेटेर फर्केपछि बिहिबार नै उक्त प्रस्ताव दर्ता हुने जनाइएको हो ।
प्रतिपक्षी नेता पोखरेल बिहिबार पोखरा पुगदैछन् । ‘प्राविधिक तयारी पुग्यो भने बिहिबार नै दर्ता गछौं ।’ पोखरेलले भने । नेता पोखरेलले यसबारे माओवादी केन्द्र, जसपा र राष्ट्रिय जनमोर्चासंग छलफल भइसकेको पोखरेलले बताए ।
जनमोर्चा पार्टीका अध्यक्ष चित्रबहादुर केसीले बिहिबार वक्तव्य जारी गरी गण्डकी प्रदेश सरकारलाई दिएको समर्थन फिर्ताको घोषणा गरेका छन् ।
