aarthiknews.com शुक्रबार, १० बैशाख २०७८   Friday, 23 April, 2021
 
nmb
Esewa_Remit
Bajaj_Bike

मूल्य समायोजनपछि ५९ रूपैयाँले बढ्यो सिभिल लघुवित्तको शेयरमूल्य

  • आर्थिकन्यूज
    आर्थिकन्यूज
  • विहीबार, २० फागुन २०७७
Reliance life insurance
मूल्य समायोजनपछि ५९ रूपैयाँले बढ्यो सिभिल लघुवित्तको शेयरमूल्य
Jagadamba
LBEF

काठमाडौं । सिभिल लघुवित्तको मूल्य समायोजन पछि पनि शेयरमूल्य रू. ५९ ले बढेको छ । नेपाल स्टक एक्सचेञ्ज (नेप्से) ले बिहीवार कम्पनीको ३ दशमलव ५० प्रतिशत बोनस शेयर प्रयोजनका लागि मूल्य समायोजन गरेको थियो ।  

कम्पनीको बुधवार कायम अन्तिम शेयरमूल्य रू. १ हजारको आधारमा नेप्सेले कम्पनीको बोनस शेयर पछिको मूल्य रू. ९६६ तोकेको हो । समायोजन मूल्यभन्दा पनि बढी रू. १ हजार १४ देखि खुला भएको कम्पनीको शेयरमूल्य न्यूनतम रू. ९८८ देखि अधिकतम रू. १ हजार ४६ सम्म पुगेको थियो । यो दिन कम्पनीको शेयरमूल्य ६ दशमलव ११ प्रतिशत बढेर अन्तिम मूल्य रू. १ हजार २५ कायम भएको हो ।  

सिभिल लघुवित्तले यस वर्ष बोनससँगै शून्य दशमलव १९ प्रतिशत नगद लाभांश समेत प्रस्ताव गरेको छ । उक्त प्रस्ताव पारितका लागि कम्पनीले चैत ५ गते नवौं वार्षिक साधारण सभा बोलाएको छ । 

उक्त सभा प्रयोजनका लागि फागुन २० गते एक दिन बुक क्लोज गरेकाले नेप्सेले मूल्य समायोजन गरेको हो । बुक क्लोजको आधारमा फागुन १९ गतेभित्र कायम शेयरधनीहरु मात्र लाभांशका लागि योग्य भएका छन् । हाल कम्पनीको चुक्तापूँजी रू. २३ करोड ३९ लाख ३३ हजार ७०० रहेको छ । सोही पूँजीको आधारमा कम्पनीले लाभांश दिन लागेको हो । 
 

प्रतिक्रिया दिनुहोस