करिब आठ सय जनालाई घरेलु तथा साना उद्योगसम्बन्धी तालिम - Aarthiknews
aarthiknews.com आइतबार, १२ माघ २०७६   Sunday, 26 January, 2020
 
Bajaj_Bike

करिब आठ सय जनालाई घरेलु तथा साना उद्योगसम्बन्धी तालिम

  • आर्थिकन्यूज
    आर्थिकन्यूज
  • शुक्रबार, ०६ असार २०७६
Sunrise bank
करिब आठ सय जनालाई घरेलु तथा साना उद्योगसम्बन्धी तालिम
LBEF

काठमाडौं । राष्ट्रिय लघु, घरेलु तथा साना उद्योग प्रशिक्षण केन्द्रले चालू आर्थिक वर्षमा ७८७ व्यक्तिलाई व्यवसायसम्बन्धी तालिम दिएको छ । दुर्गम तथा पिछिडिएका क्षेत्रका युवा युवती, महिला तथा एकल महिलालाई तालिमपछि स्वरोजगार बनाउन सो तालिम दिएको हो । 
केन्द्रका अनुसार हाउस वायरिङको तालिम २० जना, उद्यमशीलता विकासको तालिम २८४ जना, खाद्य प्रशोधन २६ जना, वेसि क प्याट्रन सिलाई ४२ जना, एड्भान्स प्याट्रन सिलाई २५ जना, फेसन डिजाइन २० जनालाई तालिम दिएको छ । 
त्यस्तै हाते इम्ब्रोइडरी १० जना, मेसिन इम्ब्रोइडरी ९ जना, क्रिस्टल सामग्री उत्पादन ३५ जनालाई तथा मखमल, ढाका जुत्ता, चप्पल उत्पादन ३४ जनालाई, हाते कागज र फेल्ट उत्पादन २९ जना, कागज वस्तु र स्क्रिन प्रिन्ट ९ जना, रबर मोल्डिङ र रेजिन वस्तु उत्पादन २२ जना, ह्वील थ्रोइङ २२ जना, बेकरी १२२ जना, साधारण व्युटिसियन २८ जना, डल बनाउने ३९ जना र प्लम्बिङको ११ जनालाई प्रशिक्षण दिएको केन्द्रका निर्देशक सुरेश श्रेष्ठले बताए । 

गत आर्थिक वर्षको तुलनामा यस वर्ष थोरैलाई प्रशिक्षण दिएको निर्देशक श्रेष्ठले बताए । चालू आवमा बजेट आउन ढिलो भएको कारण पहिलो चौमासिक कार्यक्रम सञ्चालन नभएको र सोही कारण थोरैलाई तालिम दिएको उनले बताए । 
तालिम लिन आउने व्यक्तिको मागअनुसार कार्यक्रम सञ्चालन गर्ने गरेको समेत उनको भनाइ छ । आफ्नै व्यवस्थापन तथा खर्चबाट माग एवं आवश्यकता देखिएका सबै तालिम कार्यक्रम सञ्चालन गर्न सम्भव नभएको तथा अन्य अनुभवी निकायसंँग संयुक्त रुपमा खर्च व्यहोर्ने गरी तालिम सञ्चालन गर्दा थप प्रभावकारी हुने केन्द्रको भनाइ छ । 
 

प्रतिक्रिया दिनुहोस