प्रधानमन्त्री कृषि आधुनिकीकरण परियोजनामा भ्रष्टाचार, १३ जनाविरुद्ध मुद्दा दायर - Aarthiknews
aarthiknews.com सोमबार, ०६ असोज २०७६   Monday, 23 September, 2019
 

प्रधानमन्त्री कृषि आधुनिकीकरण परियोजनामा भ्रष्टाचार, १३ जनाविरुद्ध मुद्दा दायर

  • आर्थिकन्यूज
    आर्थिकन्यूज
  • विहीबार, ०५ असार २०७६
Sunrise bank
प्रधानमन्त्री कृषि आधुनिकीकरण परियोजनामा भ्रष्टाचार,  १३ जनाविरुद्ध मुद्दा दायर
LBEF
NCH-IPS

काठमाडौं । प्रधानमन्त्री कृषि आधुनिकीकरण परियोजनामा अन्तर्गत ४ ओटा प्रयोगशाला भ्यान खरिदमा अनियमितता गरेको भन्दै १२ कर्मचारीसहित १३ जनाविरुद्ध भ्रष्टाचार मुद्दा दर्ता भएको छ ।

अख्तियार दुरुपयोग अनुसन्धान आयोगले खाद्य प्रविधि तथा गुण नियन्त्रण विभागका महानिर्देशक संजीव कुमार कर्णसहित १२ जना कर्मचारी र १ जना व्यापारिक कम्पनीका प्रतिनिधिविरुद्ध बिहीबार भ्रष्टाचार मुद्दा दायर गरेको हो ।

खाद्य प्रविधि तथा गुण नियन्त्रण विभागले दैनिक उपभोग्य बस्तुको गुणस्तर मापन (चेकजाँच) गर्न प्रधानमन्त्री कृषि आधुनिकीकरण परियोजनाअन्तर्गत ४ ओटा मोबाइल भ्यान (प्रयोगशालाजडित गाडी) खरिद गरेको थियो ।

विभागले खरिद गरेका प्रयोगशालाजडित गाडी काठमाडौंको कमलादीस्थि प्रुडेन्ट मेडिटेक इन्टरनेशनलले आपूर्ति गरेको थियो । तर, आफूर्ति गरिएको प्रयोगशालामा रसायन र उपकरणहरु स्वीकृत मापदण्डअनुसार भए÷नभएको विषयमा परीक्षण गर्दा गुणस्तरहीन देखिएको भएपनि विभागका महानिर्देशक कर्णसहितको मिलेमतोमा खरिद गरिएको अख्तियारले जनाएको छ ।

अख्तियारले गरेको अनुसन्धानबाट प्रयोगशालाजडित गाडी खरिद प्रकरणमा १२ करोड ४० लाख ४७ हजार ५ सय ५८ रुपैयाँ बराबर हिनामिना भएको देखिएको छ ।

अख्तियारले विभागका महानिर्देशक कर्णसहित वरिष्ठ खाद्य अनुसन्धन अधिकृ पूर्णचन्द्र वस्ती, लेखापाल रविता श्रेष्ठ, नायव सुब्बा गुरुदत्त गौतम, शाखा अधिकृत भागिरथ आचार्य र प्रधानमन्त्री कृषि आधुनिकीकरण परियोजनाको खुमलटारस्थित कार्यालयका उपसचिव गणेश प्रसाद चालिसे र लेखापाल बालाराम पोख्रेलविरुद्ध १२ करोड ४० लाख ४७ हजार ५ सय ५८ रुपैयाँ बिगो तथा जरिवाना र कैद सजाय मागदावी गर्दै भ्रष्टाचार मुद्दा दायर गरेको छ ।

अख्तियारले प्रधानमन्त्री कृषि आधुनिकीकरण परियोजनाका तत्कालीन परियोजना, वरिष्ठ कृषि इन्जिनियर सरोज अधिकारी, वरिष्ठ योजना अधिकृत तिलकराज चौलागाईं, परियोजना निर्देशक लक्ष्मण प्रसाद पौडेल र वरिष्ठ अनुगमन मूल्याङ्कन अधिकृत इन्द्रहरि पौडेलविरुद्ध पनि बिगो तथा जरिवाना र कैद सजाय मागदावी गर्दै भ्रष्टाचार मुद्दा दायर गरेको छ ।

विभागका लागि प्रयोगशालाजडित भ्यान आपूर्ति गर्ने प्रुडेन्ड मेडिटेक इन्टरनेशनका प्रतिनिधि प्रविण कुँवरविरुद्ध २४ करोड ८० लाख ९५ हजार १ सय १६ रुपैयाँ बिगो तथा जरिवाना र कैद सजाय मागदावी गर्दै अख्तियारले भ्रष्टाचार मुद्दा दायर गरेको छ ।

प्रतिक्रिया दिनुहोस