aarthiknews.com शुक्रबार, ०२ माघ २०७७   Friday, 15 January, 2021
 
tater Group

१३ फर्म विरुद्ध सवा अर्ब राजस्व छलि गरेको आरोपमा राजस्व अनुसन्धानको मुद्दा

  • आर्थिकन्यूज
    आर्थिकन्यूज
  • आइतबार, २६ पुस २०७७
१३ फर्म विरुद्ध सवा अर्ब राजस्व छलि गरेको आरोपमा राजस्व अनुसन्धानको मुद्दा
LBEF

काठमाडौं । झुट्टा तथा नक्कली मूल्यअभिवृद्धि कर विजक प्रयोग गरी १ अर्ब २२ करोड राजस्व चुहावट गर्ने १३ वटा फर्म विरुद्ध राजस्व अनुसन्धान विभागले उच्च अदालत पाटनमा मुद्दा दायरा गरेको छ । विभागले बाराको न्यू सयपत्री इन्टरप्राईजजे तथा कमजोर आर्थिक अवस्था भएका १३ वटा फर्म विरुद्ध उक्त मूल्य बराबरको बिगो कायम गरी कारवाहीका लागि अदालतमा मुद्दा दायरा गरेको हो । 

ती फर्महरूले मूल्य अभिवृद्धि कर ३७ करोड ३६ लाख ६३ हजार, आयकरतर्फ ८४ करोड २९ लाख र पुँजीगत लाभांशतर्फ ५४ लाख रुपैयाँ छलि गरेको विभागका महानिर्देशक दीर्घराज मैनालीले बताए । विभागले गरेको अनुसन्धानले सबै सवुद प्रमाणबाट राजस्व चुहावट गरेको कसुर स्थापित भएकोले कारवाही अगाडि बढाएको हो । 

त्यस्तै सर्लाहीका जेनेरल सप्लायर्स प्रालिले पनि १२ करोड ७५ लाख रुपैयाँ मूल्य अभिवृद्धि कर छलि गरेको छ । यसका सञ्चालक सुवोध साहलाई विभागले सो बराबरको विगो असुल उपर हुने गरी जरिवाना तथा कैद सजाय हुने गरी पुस २४ गते पाटन उच्च अदालतमा मुद्दा दायरा गरेको छ । संकित जेनेरल सप्लायर्सले ७ करोड १८ लाख रुपैयाँ मूल्य अभिवृद्धि कर, ७ करोड १८ लाख रुपैयाँ आयकर र १ करोड ५ लाख रुपैयाँ लाभकर छलि गरेको विभागले जानकारी दिएको छ । 

प्रतिक्रिया दिनुहोस