aarthiknews.com बुधबार, १७ मंसिर २०७७   Wednesday, 02 December, 2020
 

सगरमाथा इन्स्योरेन्सको नाफा ११ प्रतिशतले वृद्धि

  • आर्थिकन्यूज
    आर्थिकन्यूज
  • विहीबार, ०४ मंसिर २०७७
सगरमाथा इन्स्योरेन्सको नाफा ११ प्रतिशतले वृद्धि
LBEF
Nabil Bank

काठमाडौं । सगरमाथा इन्स्योरेन्सले पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासको अवधिमा ५ करोड ५६ लाख रुपैयाँ खुद नाफा आर्जन गर्न सफल भएको छ । कम्पनीको नाफा गत आर्थिक बर्षको तुलनामा १० दशमलव ९१ प्रतिशतले बढेको छ । गत वर्ष यसले ५ करोड १ लाख रुपैयाँ खुद नाफा आर्जन गरेको थियो ।

समिक्षा अवधिमा कम्पनीको खुद बीमाशुल्क आर्जन १० दशमलव २२ प्रतिशतले बढेर ३५ करोड ८१ लाख रुपैयाँ पुगेको छ । गत आर्थिक बर्षको सोहि अवधिमा कम्पनीले ३२ करोड ४९ लाख २३ हजार रुपैयाँ खुद बीमा शुल्क आर्जन गरेको थियो ।

कम्पनीले ४ हजार १ सय ३३ वटा बीमा दाबी वापतको ९२ करोड ५ लाख रुपैयाँ भुक्तानी हुन बाँकी कुल दाबी रकम रहेको छ ।कम्पनीको प्रतिशेयर आम्दानी वार्षिक २२ रुपैयाँ २३ पैसा र प्रतिसेयर नेटवर्थ २ सय ३४ रुपैयाँ ४४ पैसा छ ।

गत आर्थिक वर्षमा ४८ करोड ८७ लाख ९१ हजार रुपैयाँ रहेको बीमा कोषको आकार यस वर्ष ६५ करोड ९२ लाख ६० हजार रुपैयाँ पुगेको छ । कम्पनीको हालको चुक्ता पुँजी १ अर्ब १२ लाख रुपैयाँ रहेको छ । भने जगेडा कोषमा ५५ करोड २० लाख रुपैयाँ छ ।यस अवधिमा कम्पनीले १ हजार ३ सय १८ वटा बीमा दाबीको २१ करोड ४० लाख रुपैयाँ दाबी भुक्तानी गरेको छ ।

प्रतिक्रिया दिनुहोस