aarthiknews.com बुधबार, २४ असार २०७७   Wednesday, 08 July, 2020
 
Citizen life

ठेकदार र कर्मचारीले ८५ लाख झ्वाम

  • आर्थिकन्यूज
    आर्थिकन्यूज
  • मंगलबार, २८ जेठ २०७६
Sunrise
HIb
ठेकदार र कर्मचारीले ८५ लाख झ्वाम
LBEF

अख्तियार दुरुपयोग अनुसन्धान आयोगले बागमती नदी नियन्त्रण योजनामा अनियमितता गर्ने दुईजना कर्मचारी र तीनजना ठेकेदारविरुद्ध विशेष अदालतमा मुद्दा दायर गरेको छ ।

अग्रिम भुक्तानी लिएर काम नगर्ने ठेकेदारसँग मिलेर कर्मचारीले ८५ लाख रुपैयाँ अनियमितता गरेको भन्दै अख्तियारले सोमबार रौतहट र सर्लाहीमा सञ्चालित जलउत्पन्न प्रकोप नियन्त्रण डिभिजन कार्यालय नम्बर ३ बाराका तत्कालीन कार्यालय प्रमुख हीरानन्द झा र तत्कालीन लेखा प्रमुख (लेखापाल) अरुणकुमार राईविरुद्ध मुद्दा दायर गरेको हो ।

तीन ठेकेदारविरुद्धसमेत भ्रष्टाचार मुद्दा दायर भएको छ । निर्माण कम्पनी एमके निर्माण–बज्रगुरु–दी कञ्चनजंघा जेभीको पार्टनर दी कञ्चनजंघा निर्माण सेवाका प्रबन्ध निर्देशक तेन्डी शेर्पा, एमके निर्माण सेवाका कार्यकारी निर्देशक जीवन थापा, बज्रगुरु निर्माण सेवाका अध्यक्ष रेवन्तकुमार बस्नेतविरुद्ध मुद्दा दायर भएको हो । यो समाचार आजको नयाँ पत्रिका दैनिकमा प्रकाशित छ ।

प्रतिक्रिया दिनुहोस