aarthiknews.com मंगलबार, ०४ कार्तिक २०७७   Tuesday, 20 October, 2020
 
Tansen_cement
Bajaj_Bike

सानिमा जनरल इन्स्योरेन्सको आईपीओ शुक्रबार बाँडफाँट, विहीबार पि-अलोटमेण्ट

  • आर्थिकन्यूज
    आर्थिकन्यूज
  • बुधबार, २८ असोज २०७७
सानिमा जनरल इन्स्योरेन्सको आईपीओ शुक्रबार बाँडफाँट, विहीबार पि-अलोटमेण्ट
LBEF
Nabil Bank

काठमाडौं । सानिमा जनरल इन्स्योरन्स कम्पनी लिमिटेडको आईपीओ असोज ३० गते शुक्रवार बाँडफाँट हुने भएको छ । विक्री प्रबन्धक एनआईसी एशिया क्यापिटलले बिहीवार प्रि अलोटमेण्ट गरेर शुक्रबार बाँडफाँटको तयारी रहेको जानकारी दिएको हो ।

 कम्पनीले सर्वसाधारणका लागि छुट्याएको ३० लाख कित्तामध्य १ लाख २० हजार कित्ता कम्पनीका कर्मचारीहरुका लागि र १ लाख ५० हजार कित्ता सामूहिक लगानीकोषका लागि छुट्याएर बाँकी २७ लाख ३० हजार कित्ता सार्वजनिक निष्कासन मार्फत विक्री गरेको थियो । कम्पनीले असोज २१ देखि २५ गतेसम्म सर्वसाधारणका लागि सार्वजनिक निष्कासनमार्फत शेयर विक्री गरेको हो । 

यस कम्पनीको आईपीओ खरिदका लागि ८ लाख ८३ हजार ६२३ जना आवेदकबाट १ करोड ९० लाख १२ हजार ३४० कित्ताको लागि आवेदन परेको छ । जुन मागभन्दा ६ दशमलव ९६ गुणा बढी हुन आउँछ । हाल  ७० करोड रुपैयाँ चुक्तापूँजी रहेको यस कम्पनीको आईपीओ पश्चात चुक्तापूँजीरू. १ अर्ब रुपैयाँ पुग्नेछ । यस कम्पनीको प्रतिशेयर आम्दानी  २ दशमलव ६६ रुपैयाँ र प्रतिशेयर नेटवर्थ १०६ दशमलव ३९ रुपैयाँ रहेको छ । 
 

प्रतिक्रिया दिनुहोस