aarthiknews.com शुक्रबार, १४ कार्तिक २०७७   Friday, 30 October, 2020
 
Tansen_cement
Bajaj_Bike

तीन वटा लघुवित्त मर्जर जाने सहमति

  • आर्थिकन्यूज
    आर्थिकन्यूज
  • शुक्रबार, ०९ असोज २०७७
तीन वटा लघुवित्त मर्जर जाने सहमति
LBEF
Nabil Bank

काठमाडौं । तीन वटा लघुवित्तीय संस्थाहरु मर्जमा जाने निर्णय गरेका छन् । काभ्रेपलान्चोक केन्द्रिय कार्यालय रहेको आरम्भ चौतारी लघुवित्त वित्तीय संस्था लि., बागलुङमा केन्द्रिय कार्यालय रहेको सिवाईसी नेपाल लघु वित्तवित्तीय र रम्याग्दीमा केन्द्रिय कार्यालय रहेको शालीग्राम लघु वित्तवित्तीय बीच एक् आपसमा गाभ्ने÷गाभीने (मर्जर) कोे सहमति भएको हो ।  

गाभ्ने/गाभीने (मर्जर)सम्वन्धि समझदारी पत्रमा आरम्भ चौतारी लघुवित्तवित्तीयका अध्यक्ष जगतवहादुर पोखरेल,सिवाईसीका अध्यक्ष पद्मनाथ शर्मा र शालीग्रामका अध्यक्ष् ाकृष्णवहादुर थापाले शुक्रबार बागलुङ बजारमा हस्ताक्षर गरेका छन् । 

गाभ्ने/गाभीने (मर्जर)सम्वन्धमा नेपाल राष्ट्र बैंकबाटजारी बैंक तथावित्तीय संस्थाहरुले एक आपसमा गाभ्न/गाभिने तथाप्राप्ति (एक्विजिसन) र विलय (मर्जर) सम्वन्धी नियमावली २०७३ (चौथो संशोधन २०७५) को विनियमावली ५ बमोजिम त्रीपक्षीय रुपमा समझदारी पत्रमा हस्ताक्षर भएको हो ।

हाल आरम्भ चौतारी र सिवाईसी नेपालको राष्ट्रिय स्तरको कार्यक्षेत्र छ भने शालीग्रामको गण्डकी प्रदेशका ११ जिल्लामा कार्यक्षेत्र रहेको छ । गाभ्ने/गाभीने (मर्जर)पश्चात एकिकृत संस्थाको चुक्तापुँजी ३५ करोड २ लाख ६५ हजार रुपैयाँ हुने छ । आरम्भ चौतारीले यस पूर्वनै सर्वसाधारणका लागि आई.पी.ओ. निश्कासन गरिसकेको छ भने सिवाईसी नेपाल र शालिग्रामको सर्वसाधारणका लागि छुट्टाएको शेयर रकमएफ.पि.ओ. को माध्यमद्धारा पुरा हुनेछ ।

वित्तीय संस्थाको संयुक्त कारोवार माघ महिनाभित्र गर्ने समझदारी पत्रमा उल्लेख गरिएको छ । समझदारी पत्रमा हस्ताक्षर समारोहमा बोल्दै सिवाईसीका अध्यक्ष पद्मनाथ शर्माले मर्जर पश्चात संस्थाएक सबल सक्षमएवं लघुवित्त वित्तीय संस्थाको रुपमा स्थापित हुने धारणा राखेका थिए ।  

आरम्भ चौचारीका अध्यक्ष पोखरेलले एकीकृत संस्थालाई देशकै नमुना संस्थाको रुपमा स्थापित गर्ने प्रतिवद्धता व्यक्त गरेका थिए  । सोही अवसरमा सिवाईसीको मुख्य प्रवद्र्धक संस्था चारतारे युवाक्लव नेपालका अध्यक्ष चण्डिप्रसाद शर्मा पौडेलले संस्थालाई नीतिविधि र प्रविधिको प्राधानताभित्र सञ्चालन गर्नुपर्ने बताए । त्यस्तै शालिग्रामका अध्यक्ष कृष्णवहादुर थापाले गरिव तथा विपन्न सदस्यहरुको आर्थिक उत्थान र दुवै संस्थाको विकासका लागि मर्जर समझदारी कोशेढुङ्गा सावितहुने कुरा विचार राखेका थिए । 
 

प्रतिक्रिया दिनुहोस