aarthiknews.com शनिबार, १० असोज २०७७   Saturday, 26 September, 2020
 
Bajaj_Bike
Tasen

नेप्से १६.५३ अंकले घट्यो, एक अर्ब बढीको कारोबार

  • आर्थिकन्यूज
    आर्थिकन्यूज
  • विहीबार, २९ साउन २०७७
नेप्से १६.५३ अंकले घट्यो, एक अर्ब बढीको कारोबार
LBEF

काठमाडौं । नेपाल स्टक एक्सचेञ्ज (नेप्से) परिसूचक सातको पाचौँ दिन आज (बिहिबार) घटेको छ । आज नेप्से १६ दशमलव ५१ अंकले बढेर १ हजार ४०८ दशमलव ७९ विन्दुमा कायम भएको हो । 

नेप्सेका अनुसार आज एक अर्ब बढीको कारोबार भएको छ । आज कारोबार भएका १२ समुहको सुचकमा व्यापार समुहको सुचक बाहेक बाँकी सबै समुहको सुचक घटेपछि संमग्र नेप्से सुचक घट्न पुगेको हो। बैकिङ बीमा र लघुवित्तको सुचक १ प्रतिशत भन्दा बढीले घटेको छ। 

कोरोना भाइरस बढेसँगै सेयर बजार घट्दै गएको छ। सुचक घटेपनि कारोबार रकम भने बढेको छ। कारोबार भएका १ सय ९१ कम्पनीको ३४ लाख ९ हजार ४ सय ६१ कित्ता सेयरको १ अर्ब ७ करोड ४३ लाख बराबरको कारोबार भएको छ। बजार घटेको मौका छोप्दै सेयर उठाउनेहरु सक्रिय हुँदा कारोबार रकम बढ्न पुगेको हो।

विहिवारको कारोबारमा नेपाल लाइफ इन्स्योरेन्सको सबैभन्दा बढी सेयर कारोबार भएको छ। कम्पनीको ७ करोड ३३ लाख २४ हजारको सेयर कारोबार भएको छ।  बिहिवार दिव्यश्वरी हाइड्रोपावर कम्पनीको सेयर मुल्य १० प्रतिशत बढेर सकारात्मक सर्किट लागेको छ। कम्पनीको सेयर मुल्य प्रतिकित्ता ५ रुपैयाँ बढेर ५५ रुपैयाँ पुगेको छ। त्यस्तै, साधना लघुवित्तको सेयर मुल्य प्रतिकित्ता ५७ रुपैयाँ बढेर ६ सय ३५ रुपैयाँ पुगेको छ। नेपाल फाइनान्सको सेयर मुल्य भन् ५ दशमलव ६८ प्रतिशत घटेर प्रतिकित्ता १ सय ६६ रुपैयाँ पुगेको छ । 

प्रतिक्रिया दिनुहोस