aarthiknews.com विहीबार, ०८ असोज २०७७   Thursday, 24 September, 2020
 
Bajaj_Bike
Tasen

सर्वसाधारणको लागि भदौ ४ बाट आईपीओ जारी गर्दै रिलायन्स लाइफ, कति पाइन्छ भर्न ?

  • आर्थिकन्यूज
    आर्थिकन्यूज
  • बुधबार, २८ साउन २०७७
सर्वसाधारणको लागि भदौ ४ बाट आईपीओ जारी गर्दै रिलायन्स लाइफ, कति पाइन्छ भर्न ?
LBEF

काठमाडौं । रिलायन्स लाइफ इन्स्योरेन्सले भदौ ४ गतेदेखि सर्वसाधारणका लागि आईपीओ निष्काशन गर्ने भएको छ । इन्स्योरेन्सले हाल कायम रहेको पुँजीको ३० प्रतिशत अर्थात ६३ करोड रुपैयाँ बराबरको आईपीओ निष्काशन गर्न लागेको हो । आज साउन २८ गते बुधबार आव्हान पत्र प्रकाशित गरेको हो ।

इन्स्योरेन्सले प्रतिसेयर १०० रुपैयाँ अंकित मूल्यका ६३ लाख कित्ता साधारण सेयर निष्काशन गर्न लागेको हो ।  निष्काशन गरिने कुल सेयरमध्ये ५ प्रतिशत अर्थात ३ लाख १५ हजार कित्ता सामूहिक लगानी कोषका लागि र अर्को ५ प्रतिशत कर्मचारीहरुका लागि सुरक्षित गरिएको छ । सर्वसाधारणले बाँकी ५६ लाख ७० हजार कित्ताका लागि आवेदन दिन सक्नेछन् । 

लगानीकर्ताहरू न्यूनतम १० कित्ताका लागि आवेदन दिनु पर्नेछ भने अधिकतममा ६३ हजार कित्तासम्म आवेदन दिन सक्नेछन् । सर्वसाधारणले इन्स्योरेन्स कम्पनीको आईपीओमा भदौ ८ गतेसम्म आवेदन दिन सक्नेछन् । सो अवधिसम्ममा सम्पूर्ण सेयरको लागि आवेदन नपरेमा निष्काशन अवधि भदौ २२ गतेसम्म लम्बिने इन्स्योरेन्सले सूचित गरेको छ । 

इन्स्योरेन्सको धितोपत्र निष्काशन तथा बिक्री प्रबन्धक सानिमा क्यापिटल लिमिटेड रहेको छ । इन्स्योरेन्सले निष्काशन गर्न लागेको आईपीओलाई इक्रा नेपालले ग्रेड ४ रेटिङ दिएको छ । यसले इन्स्योरेन्सको आधारभूत अवस्था औषतभन्दा कमजोर रहेको संकेत गर्दछ । 

त्यस्तै हाल १ अर्ब ४७ करोड रुपैयाँ चुक्तापूँजी रहेको रिलायन्स लाइफले बीमा समितिले तोके बमोजिम २ अर्ब रुपैयाँ चुक्तापूँजी कायम गर्न आईपीओ जारी गर्न लागेको हो । आईपीओ पश्चात कम्पनीको चुक्तापूँजी २ अर्ब १० करोड रुपैयाँ पुग्नेछ । आईपीओ पश्चात कम्पनीमा शेयर स्वामित्व संस्थापकतर्फ ७० प्रतिशत र सर्वसाधारण तर्फ ३० प्रतिशत कायम हुनेछ । रिलायन्सको आईपीओ विक्री प्रबन्धक सानिमा क्यापिटल लिमिटेड रहेको छ । 

प्रतिक्रिया दिनुहोस