aarthiknews.com शनिबार, २४ साउन २०७७   Saturday, 08 August, 2020
 
Bajaj_Bike
Tasen

नेप्से ७.५३ अंकले बढ्यो, एक अर्ब ३२ करोड बढीको कारोबार

  • आर्थिकन्यूज
    आर्थिकन्यूज
  • विहीबार, १५ साउन २०७७
नेप्से ७.५३ अंकले बढ्यो, एक अर्ब ३२ करोड बढीको कारोबार
LBEF

काठमाडौं । नेपाल स्टक एक्सचेञ्ज (नेप्से) परिसूचक सातको पाचौँ दिन बिहिबार बढेको छ । आज नेप्से ७ दशमलव ५३ अंकले बढेर १ हजार ४३९ दशमलव ६ विन्दुमा कायम भएको हो । 

नेप्सेका अनुसार आज एक अर्ब ३२ करोड बढकिो कारोबार भएको छ । आज नेप्सेमा सबै समूहमा हरियाली छाएका छन् । 
क वर्गका कम्पनीहरूकाे मापक सेन्सेटिभ इन्डेक्स शुन्य दशमलव ४६ अंकले सकारात्मक भएकाे छ । सँगसँगै अाज सबै उपसूचकहरू सकारात्मक देखिएका छन् ।

आज सबैभन्दा धेरै खानिखोला हाइड्रोपावरका शेयरधनीहरुले १० प्रतिशतले कमाएका छन् । त्यस्तै, सबैभन्दा धेरै गुमाउनेमा घोडीघोडा लघुबित्तका शेयरधनीहरुले ९ दशमलव ८५ प्रतिशतले गुमाउनु परेको छ ।

सथै, आज सबै भन्दा धेरै कारोबार हुनेमा नेपाल रि–इन्स्योरेन्स कम्पनीको ४ हजार ८७ पटक कारोबार भएर ३ लाख ८२ हजार ७ सय बीस कित्ता शेयर खरिद बिक्री भएको नेप्सेले जनाएको छ ।उक्त कम्पनीको कारोबारको अन्तमा रु. ५ सय ९९ मा पुगेर बजार बन्द भएको छ ।  

प्रतिक्रिया दिनुहोस