aarthiknews.com शनिबार, २४ साउन २०७७   Saturday, 08 August, 2020
 
Bajaj_Bike
Tasen

साधना लघुवित्तको आईपीओमा ८५ प्रतिशत आवेदकको हात खाली

  • आर्थिकन्यूज
    आर्थिकन्यूज
  • सोमबार, २९ असार २०७७
साधना लघुवित्तको आईपीओमा ८५ प्रतिशत आवेदकको हात खाली
LBEF

काठमाडौं । साधना लघुवित्तले सर्वसाधारणमा बिक्री गरेको आईपीओ बाँडफाँड गरेको छ । ग्लोबल आइएमई क्यापिटलको कार्यालय, जमलमा भएको बाँडफाँडमा ६६ हजार १५२ जना आवेदकले १० कित्ताका दरले सेयर पाएका छन भने बाँकी आवेदकले सेयर प्राप्त गर्न सकेका छनन् । आईपीओमा आवेदन दिने आवेदकमध्य ८५ प्रतिशतभन्दा धेरैको हात खाली भएको छ ।

लघुवित्तले असार २१ गतेदेखि प्रतिकित्ता एक सय रुपैयाँका दरले ७ लाख ७ हजार ८ सय कित्ता आईपीओ बिक्री खुल्ला गरेको थियो । लघुवित्तको आईपीओमा साधारण सेयर भरेका ३ लाख ८१ हजार ६७७ जना आवेदकको भने हात खाली भएको हो । कुल सेयरमध्ये ०.५० प्रतिशत अर्थात १० हजार ८९० कित्ता कर्मचारीहरुको लागि र ५ प्रतिशत अर्थात ३५ हजार ३९० कित्ता सेयर सामूहिक लगानी कोषको लागि छुट्याएर बाँकी ६ लाख ६१ हजार ५२० कित्ता सेयर सर्वसाधारणमा बिक्री खुल्ला गरिएको थियो । 

लघुवित्तको आईपीओमा कुल ४ लाख ४८ हजार ६४० वटा योग्य आवेदनबाट १ करोड ९ लाख ९९० कित्ता सेयर खरिदको लागि आवेदन परेको थियो । लघुवित्तको आईपीओमा आवेदन गर्ने ७९१ वटा आवेकको आवेदन रद्द भएको छ ।
 

प्रतिक्रिया दिनुहोस