aarthiknews.com शुक्रबार, २६ असार २०७७   Friday, 10 July, 2020
 
Citizen life

त्रिविको २५ प्रतिशतमा मात्र अनलाइन पहुँच

  • आर्थिकन्यूज
    आर्थिकन्यूज
  • आइतबार, २८ बैशाख २०७७
Sunrise
HIb
त्रिविको २५ प्रतिशतमा मात्र अनलाइन पहुँच
LBEF

काठमाडौँ । त्रिभुवन विश्वविद्यालयबाट सम्बन्धन प्राप्त सामुदायिक क्याम्पसका कुल विद्यार्थीको सरदर २५ प्रतिशतले मात्र अनलाइन माध्यमबाट कक्षा लिइरहेको पाइएको छ ।

कोरोना भाइरस विरुद्ध बन्दाबन्दीमा पठनपाठन नियमित बनाउन त्रिविले विद्युतीय माध्यमबाट गरिने कक्षा सञ्चालनसम्बन्धी निर्देशिका हालै जारी गरेको थियो । सो निर्देशिकाअनुसार करिब सात सय सामुदायिक क्याम्पसमध्ये मुस्किलले ४५ वटाले मात्र अनलाइन माध्यमबाट पठनपाठनलाई निरन्तरता दिएका छन् ।

नेपाल पब्लिक क्याम्पस सङ्घका अध्यक्ष शिवराज सञ्जेलले त्रिविले आफूहरूसँग परामर्श नगरी एकै पटक अनलाइन विधिबाट अध्यापन गर्नुपर्ने व्यवस्था गरेको गुनासो गर्दै भने, “सबैको पहुँचमा इन्टरनेट छ, छैन रु सबैले अनलाइनबाट अध्यापन गर्न सक्छन् वा सक्दैनन् ?” बुटवलको लुम्बिनी वाणिज्य क्याम्पसका प्रमुख डा। ताराप्रसाद उपाध्यायले अनलाइनबाट अध्यापन गर्न पाठ्यक्रम पनि सोहीअनुरूपको विकास गर्नुपर्ने भन्दै थपे, “अनलाइनबाट अध्यापन गर्न शैक्षिक सामग्रीको ई–कपी पनि हुनुपर्छ । त्यो विकास गरिएकै छैन ।

कुलेश्वरको जनमैत्री क्याम्पसका प्रमुख भोला ओझाले अनलाइनबाट विद्यार्थीलाई बुझाउन नसकिने भएकाले तत्काल कामचलाउ मात्र भएको बताउँदै अनलाइनबाट अध्यापन विधि प्रभावकारी नभएको चर्चा गरे ।

पोखराको जनप्रिय बहुमुखी क्याम्पसका प्रमुख विरन्जी गौतमले सामुदायिक क्याम्पसहरू प्रायः ग्रामीण भेगमा भएकाले अनलाइन९मार्फत अध्यापन गर्न प्राविधिक रूपमा कठिन भएको गुनासो गरे । कैलाली बहुमुखी क्याम्पस धनगढीका प्रमुख डा। पदमराज जोशीले बन्दाबन्दी सकिएपछि पुनः विद्यार्थीलाई अध्यापन गर्नुपर्ने हुन्छ भनेर नयाँ विषय अध्यापन नगर्ने गरिएको बताए ।

कावासोतीको मध्यबिन्दु बहुमुखी क्याम्पसका प्रमुख मुक्ति पाण्डेले त्रिविले आफू अन्तर्गतका क्याम्पसहरूको सहकार्यमा अध्यापन विधिका विकल्प तय गरिदिनुपर्ने सुझाव दिनुभयो । सूचना प्रविधि विशेषज्ञ पदमराज पन्तले त्रिविको पाठ्यक्रम अनलाइन कक्षामार्फत अध्यापन गर्न मिल्ने खालको नभएको तर्क गरेका छन् । आजको गोरखापत्र दैनिकबाट 

प्रतिक्रिया दिनुहोस