aarthiknews.com शनिबार, २० असार २०७७   Saturday, 04 July, 2020
 
Citizen life

नेकपा सांसदलाई संसदमा स्पष्ट एकरुपता देखाउन प्रधानमन्त्रीको निर्देशन

  • आर्थिकन्यूज
    आर्थिकन्यूज
  • शनिबार, २७ बैशाख २०७७
Sunrise
HIb
नेकपा सांसदलाई संसदमा स्पष्ट एकरुपता देखाउन प्रधानमन्त्रीको निर्देशन
LBEF

काठमाडौं । नेपाल कम्युनिस्ट पार्टीका अध्यक्ष एवं प्रधानमन्त्री केपी शर्मा ओलीले संसद् अधिवेशनमा सक्रिय समझदारीपूर्ण अघि बढ्न पार्टीका सबै सांसदलाई अनुरोध गरेका छन् । शुक्रबार पार्टीका सांसदहरूलाई लिखित निर्देशन दिँदै उहाँले एकताबद्ध प्रयासका साथ अघि बढ्न पनि आग्रह गरेका हुन् ।

सङ्घीय संसद्को छैटौँ अधिवेशन प्रारम्भ हुनुअघि पार्टी संसदीय दलको बैठक बस्न नसकेको कारण प्रधानमन्त्री ओलीले सांसदलाई लिखित अनुरोध गर्नुभएको हो । संसद्को दुवै सदनका बैठकहरू छोटा छरिता र मर्यादित एवं विषय केन्द्रित हुनुपर्ने भन्दै उहाँले सदनमा दलका एकता र विषयगत एकरूपता देखिनुपर्नेमा ध्यानाकर्षण गराएका हन् ।

नेकपा संसदीय दलका नेतासमेत रहनुभएका प्रधानमन्त्री ओलीले छलफलका औचित्य, आवश्यकता र सम्भावना हेरी साना भेटघाट आयोजना गरिने जानकारी दिएका छन् । राष्ट्रिय परिस्थितिअनुरूप संसद् सुरु हुनुअघि पार्टी संसदीय दलको बैठक बस्न नसकिएको प्रसङ्ग उल्लेख गरेका छन् ।

निर्देशनमा उहाँले कोरोना भाइसरबाट बच्न सामाजिक दूूरी कायम गर्नुपर्नेलगायतका स्वास्थ्यसम्बन्धी विश्व स्वास्थ्य सङ्गठन, स्वास्थ्य मन्त्रालय र चिकित्सकहरूको सुझाव पनि उल्लेख गरेका छन् । लिखित निर्देशनमा तोकिएको मापदण्ड अनुसार सिट व्यवस्थापनलगायतका आवश्यक तयारी गर्न सम्भव नभएकोले बैठक हुन नसकेको जानकारी गराइएको छ ।

यद्यपि संसद्को बैठक बस्नुअघि प्रधानमन्त्री ओली र नेकपाका अर्का अध्यक्ष पुष्पकमल दाहाल प्रचण्डबीच बालुवाटारमा छलफल भएको थियो ।  गोरखापत्र दैनिकमा खबर छ ।

प्रतिक्रिया दिनुहोस