aarthiknews.com सोमबार, २९ असार २०७७   Monday, 13 July, 2020
 
Citizen life

उपत्यका छिर्ने पूर्वी नाकाबाट सवारी आवागमन रोक

  • आर्थिकन्यूज
    आर्थिकन्यूज
  • बुधबार, २४ बैशाख २०७७
Sunrise
HIb
उपत्यका छिर्ने पूर्वी नाकाबाट सवारी आवागमन रोक
LBEF

भक्तपुर । उपत्यका प्रवेश गर्ने भक्तपुरको पूर्वी नाका जगातीमा सवारी साधन प्रवेशमा रोक लगाएको छ ।

पूर्वी तथा तराइका विभिन्न जिल्लामा कोरोना संक्रमणको संख्या बढेपछि उपत्यका आउनेकाे लहर बढेको छ । उपत्यका सुरक्षित रहेको हल्लासँगै प्रवेश गर्नेको संख्या बढ्ने देखिएपछि सवारी आवागमनमा रोक लगाइएको हो ।

लकडाउनको समयमै भक्तपुरबाट बाहिर जानेहरुलाई पास उपलब्धतामा केही खुकुलो गरेको थियो । हाल भने प्रशासनले हरेक स्थानीय तहको सिफारिसबिना पास उपलब्धतामा रोक लगाएको जिल्ला प्रशासन कार्यालय, भक्तपुरका सहायक प्रजिअ दिलिप प्रसाद लामिछानेले जानकारी दिए ।

अरनिको राजमार्गअन्तर्गत भक्तपुर नाका भएर उपत्यका प्रवेश गर्ने सवारी साधनमा कडाइ गरेको भक्तपुर प्रहरी परिसका प्रमुख सविन प्रधानले जानारी दिए । काभ्रे जिल्लाबाट उपत्काभित्र अतिआवश्यक तरकारी, दुध, खाद्यान्न, अस्पताल र सरकारले तोकेका कर्मचारीबाहेक अन्यलाई प्रवेशमा रोक लगाएको प्रधानले बताए ।

पूर्वका विभिन्न जिल्लासँग समन्वय गरी अरनिको राजमार्ग र बीपी राजमार्ग, सिन्धुली-बर्दिवास भएर आउने सवारी साधनलाई उनीहरुकै नाकाबाटै फिर्ता गरिएको प्रधानले जानकारी दिए । आउने र जाने जिल्लाका स्थानीय प्रशासनसँग समन्वय गरी पास उपलब्ध गराएका बाहेक अन्य सवारी साधन भक्तपुर नाका भएर प्रवेश गर्न नपाउने उनले बताए ।

हाल यो नाका भएर दैनिक उपत्यका प्रवेश गर्ने सवारी साधन न्यूनतम पाँच सयको हाराहारीमा रहेका छन् । यसरी प्रवेश गर्ने सवारी साधनमध्ये दैनिक उपभोग्य सामानका साधन र स्वास्थ्यसँग सम्बन्धित तथा उपत्यकामा काम गर्ने सरकारले छुट दिएका सवारी साधन रहेको पनि उहाँले जानकारी दिए ।

यो नाका भएर प्रवेश गरेका हरेक ब्यक्तिहरुको व्यक्तिगत विवरण समेत राखिएको र भोलिको दिनमा कुनै ब्यक्तिमा संक्रमण देखा परे उनीहरुको पूर्ण जानकारीका लागि सबै विवरण राखी उपत्यकाका तीनै प्रशासनसँग समन्वय गरिरहेको पनि उनले बताए ।

अत्यावश्यक सवारी साधनमा भने यो नाका भएर प्रवेश गर्न रोक लगाइएको छैन । तर उपत्यका र उपत्यकाबाहिर दुवै स्थानमा घर भएकाहरुलाई हाल जहाँ बसेको छ उतै बस्ने गरी प्रवेशमा रोक लगाइएको प्रधानले जानकारी दिए ।

प्रतिक्रिया दिनुहोस