आर्थिकन्यूज
काठमाडौं । आठौं घर जग्गा प्रदर्शनी यहि अप्रिल १६ देखि १८ सम्म काठमाडौंको भृकुटीमण्डपमा आयोजना हुने भएको छ । नेपाल हाउजिङ एण्ड ल्याण्ड डेप्लोपर्स एसोसिएसनले सो प्रदर्शनी आयोजना गर्न लागेको हो ।
यस अघि सातौं पटकसम्म यस्तो प्रदर्शनी आयोजना गरीसकेको सो संस्थाले यस पटक पनि सरोकार वालाको राम्रो सहभागिता हुने अपेक्षा गरेको छ ।
मंगलबार सो प्रदर्शनी आयोजन गर्नको लागि टाइटल स्पोन्सर रहेको नेपाल होम्स डटकम र एसोसिएसन बिच एक कार्यक्रम आयोजना गरी सम्झौता समेत भएको छ ।
