युनाईटेड फाईनान्सको नगद लाभाशं तथा बोनस शेयर वितरण प्रस्ताव पारित - Aarthiknews
aarthiknews.com सोमबार, ०६ माघ २०७६   Monday, 20 January, 2020
 
Bajaj_Bike

युनाईटेड फाईनान्सको नगद लाभाशं तथा बोनस शेयर वितरण प्रस्ताव पारित

  • आर्थिकन्यूज
    आर्थिकन्यूज
  • मंगलबार, २९ पुस २०७६
Sunrise bank
युनाईटेड फाईनान्सको नगद लाभाशं तथा बोनस शेयर वितरण प्रस्ताव पारित
LBEF

काठमाडौं । युनाईटेड फाईनान्स लिमिटेडको २५ औं बार्षिक साधारण सभाले कम्पनीको आ.व.२०७५।७६ को बार्षिक प्रतिवेदन, वासलात, नाफा नोक्सान हिसाब तथा नगद प्रवाह विवरण पारीत गर्नुका साथै गत आ.व. को मुनाफाबाट शेयरधनिहरुलाई ७.५२% नगद लाभाशं तथा ३ प्रतिशत बोनस शेयर वितरण गर्ने प्रस्ताव स्विकृत गरेको  छ ।

सभा २९ पोैष २०७६, कार्की बैकंट, बबरमहल, काठमाडौंमा कम्पनिका अध्यक्ष वसन्त कुमार चौधरीको अध्यक्षतामा बसेको थियो । अध्यक्ष चौधरीले प्रस्तुत गर्नु भएको कम्पनीको आ.व.२०७५।७६ को बार्षिक प्रतिवेदन, वासलात, नाफा नोक्सान हिसाब तथा नगद प्रवाह विवरण साधारण सभाबाट पारित गरेको हो । 

उक्त साधारण सभाबाट आगामी कार्यकालका लागि सञ्चालक समितिमा प्रतिनिधित्व गर्ने रिक्त ५ सञ्चालक पदमा वसन्त कुमार चोेैधरी, राहुल ईन्फ्रास्ट्रक्चर प्रा. लि. (प्रतिनिधि श्री रोशन अधिकारी), एम. ए. डव्लु इन्टरप्राइजेज प्रा. लि. (प्रतिनिधि विष्णु कुमार अग्रवाल), वेनी गोपाल मुन्दडा, तथा मनिष कुमार खेमकालाई आगामी ४ वर्षको लागि निर्विरोध चयन गरेको छ । 

गत आ.व. मा कम्पनीले रु. ६ अर्ब ५५ करोड  निक्षेप संकलन गरि सो अवधिमा विभिन्न क्षेत्रमा रु. ६ अर्ब १४ करोड कर्जा लगानी गरी संचालन मुनाफा रु. १८ करोड ०५ लाख र खुद मुनाफा रु. ९ करोड ९९ लाख आर्जन गरेको छ । 

त्यस्तै फाइनान्सले खराब कर्जा ०.५७ प्रतिशत कायम राख्न सफल भएको छ । कम्पनीले आफ्ना २३ वटा शाखा कार्यालयबाट बैकिगं सेवा प्रदान गर्दै आईरहेको छ । हालै मात्र कम्पनीमा भारतको प्रतिष्ठित मुत्तुट फाइनेन्स रणनीतिक साझेदारका रुपमा भित्रिएको जनाएको छ । 
 

प्रतिक्रिया दिनुहोस