आर्थिकन्यूज
एजेन्सी । पाकिस्तानमा सामाजिक सञ्जालकी प्रभावशाली सना युसुफको आफ्नै घरमा गोली हानी हत्या गरिएको छ। घटना पाकिस्तानको इस्लामाबादमा भएको हो। गोली हानेपछि आक्रमणकारी भागेको विदेशी सञ्चारमाध्यमले जनाएका छन् ।
मिडिया रिपोर्टका अनुसार जुन २ मा सानाको १७ औं जन्मदिन पनि थियो। उनको जन्मदिनमा, एक व्यक्ति आफन्तको रूपमा प्रस्तुत गर्दै घरभित्र पसे। प्रहरीले बताए अनुसार आरोपीले पहिले घर बाहिर सनासँग केही समय कुरा गरे र त्यसपछि घर भित्र आएर गोली चलाएका थिए। सनालाई धेरै नजिकबाट दुई गोली लागेको थियो, जसपछि उनको घटनास्थलमै मृत्यु भयो।
सना युसुफले हत्या हुनुभन्दा ९ घण्टा अगाडि सामाजिक सञ्जालमा यो तस्बिर सेयर गरेकी थिइन्। हत्यारालाई केही घण्टापछि पक्राउ गरिएको थियो । समा टिभीको रिपोर्टका अनुसार, सना युसुफको हत्यारालाई पक्राउ गरिएको छ। अभियुक्त पञ्जाबकी हुन् र उनी पहिले नै सानासँग परिचित थिइन्। प्रारम्भिक अनुसन्धानले हत्याको कारण व्यक्तिगत दुश्मनी भएको देखाउँछ।
