काठमाडौं । शाखः ग्रुप र हङकङको बोओ ग्रुपबिच होटल क्षेत्रमा लगानी गर्ने सम्झौता भएको छ । शाखः समूहले कपिलवस्तुको जङ्गलमा बनाउन लागेको सुविधा सम्पन्न महँगो होटलमा हङकङका चिनियाँहरूले लगानी गर्ने भएका हुन् ।
सो सम्बन्धी समझदारीमा पत्रमा हस्ताक्षर भएको शाख समूहका अध्यक्ष किरण शाखले आर्थिकन्युजलाई बताए । अर्थमन्त्री वर्षमान पुन र लगानी बोर्डका प्रमुख कार्यकारी अधिकृत सुशील भट्टको उपस्थितमा सम्झौता आदान प्रदान भएको थियो । शाख समुह कपिलवस्तुको गोरुसिङ्गेमा वेलनेस होटल परियोजना सञ्चालनमा ल्याउने तयारीमा रहेको छ ।
काठमाडौंमा जारी तेस्रो लगानी सम्मेलनका क्रममा दुई पक्षबिच १०० मिलियन डलर बराबरको लगानी सम्झौता भएको हो। शाखः एण्ड कम्पनी प्राइभेट लिमिटेड र बोर ग्रुप अफ होटल चाइनाबिच होटल व्यवसायमा सहकार्यसम्बन्धी सम्झौता रकम जग्गा बाहेकको भएको शाखले जानकारी दिए ।