काठमाडौँ । नेपालका लागि अमेरिकी राजदूत डिन रिचार्ड थम्पसनले नेपालमा ऊर्जा, पर्यटन र प्रविधि क्षेत्रमा लगानी गर्न प्रतिबद्ध रहेको बताएका छन् ।
आइतबारदेखि काठमाडौंमा सुरु भएको तेस्रो नेपाल लगानी सम्मेलनका अवसरमा सामाजिक सञ्जाल एक्समा ट्विट गर्दै थम्पसनले नेपाललाई लगानी गन्तव्यका रुपमा साथ दिने बताए । उनले भनेका छन्, 'नेपाललाई अझ आकर्षक लगानी परिदृश्यमा रूपान्तरण गर्ने नेपालको प्रयासलाई समर्थन गर्न पाउँदा उत्साहित छु।'
उनले निजी क्षेत्रको लगानी वृद्धि र नेपालको आर्थिक सुधारका लागि ऊर्जा पर्यटन, प्रविधि र उत्पादन क्षेत्रमा साझेदारी गर्न अमेरिका प्रतिबद्ध रहेको बताए ।
लगानी सम्मेलनले विदेशी लगानीका लागि नेपाल आशाजनक गन्तव्य रहेको उजागर गर्ने पनि उनको भनाइ रहेको छ ।