काठमाडौं । चीनले नेपाली नागरिकबाट भिसा शुल्क नलिने घोषणा गरेको छ । आइतबार नेपालका लागि चिनियाँ राजदूत चेन सोङ्गले एक्समा ट्विट गर्दै नेपाल-चीन मित्रता प्रवर्द्धन एवं आवतजावत थप सहजीकरण गर्न यस्तो निर्णय गरेको जानकारी दिएका छन् ।
१ मेपछि चीन जाने नेपाली नागरिकबाट भिसा शुल्क नलिइने यद्यपि, त्यसअघि आवेदन दिनेमा भने भिसा शुल्क लाग्ने उनले बताएका छन् ।
नेपालस्थित चिनियाँ राजदूतावासले जनाएअनुसार भिसा शुल्क छूटको निर्णय भए पनि एक्सप्रेस र सेवा शुल्क भने लाग्नेछ । हाल चीन भ्रमणका लागि भिसा आवेदन भर्दा स्टान्डर्ड भिसामा सात हजार ३०० र नौ हजार तथा ग्रुप भिसामा तीन हजार ३०० शुल्क लाग्दै आएको छ ।
