इलाम-२ मा पहिचानवादी स्वतन्त्र उम्मेदवार डकेन्द्रसिंह थेगिम नेपाली कांग्रेसका उम्मेदवार डम्बर खड्कालाई उछिनेका छन् । जारी मतगणनाको पछिल्लो अपडेटअनुसार माङ्सेबुङ वडा नम्बर ५ र माई वडा नम्बर ६ को मतगणनापछि थेगिम खड्कालाई उछिनेर दोस्रो स्थानमा उक्लिएका हुन् ।
उनी खड्काभन्दा १२८ मतान्तरले अगाडि छन् ।
थेगिमले ७ हजार ४५२ मत पाउँदा उनलाई कांग्रेसका खड्काले ७ हजार ३२४ मतसहित पछ्याइरहेका छन् ।
नेकपा एमालेका उम्मेदवार सुहाङ नेम्वाङले अग्रता भने कायमै छ । नेम्वाङ ११ हजार ७८ मतसहित अग्रस्थानमा रहँदा रास्वपाका उम्मेदवार मिलन लिम्बू १ हजार ५ सय ९६ मतसहित चौथो स्थानमा छन् ।
